Aktualitet

"Mbyllet E-Albania për 4 ditë"/ AKSHI jep njoftimin zyrtar: Do përmirësohet sistemi

1 Shkurt 2024, 16:30 Nga h.k
"Mbyllet E-Albania për 4 ditë"/ AKSHI jep njoftimin zyrtar:
Foto ilustruese

TIRANË-Platforma e-Albania do të jetë për dy ditë jashtë funksionimit. Në njoftim thuhet se shërbimet nuk do të jenë të akseseushme nga qytetarët nga ora 20:00 e datës 2 shkurt, deri më 4 shkurt, në orën 10:00.

NJOFTIMI:

Agjencia Kombëtare e Shoqërisë së Informacionit, njofton përmes kësaj deklarate publikun dhe palët e interesuara, si më poshtë vijon:

Në kuadër, të proceseve tona operacionale, që kanë si qëllim optimizimin e pandërprerë të cilësisë dhe sigurisë në ofrimin e shërbimeve publike dhe infrastrukturave të tyre mbështetëse, do të ketë një ndërprerje të përkohshme të shërbimeve që konsumohen nëpërmjet Platformës Qeveritare të Ndërveprimit, brenda harkut kohor nga dita e premte, datë 2 shkurt, ora 20:00 deri ditën e diel, datë 4 shkurt, ora 10:00.

Nga kjo do të afektohen shërbimet elektronike në portalin e-Albania, funksionaliteti i regjistrimit të një llogarie në portal, shkëmbimi i të dhënave midis sistemeve elektronike nëpërmjet Platformës Qeveritare të Ndërveprimit si dhe autentifikimi nëpërmjet single-sign-on në sistemet apo platformat elektronike.

Përmirësimi i vazhdueshëm i shërbimeve digjitale dhe rritja e cilësisë së ofrimit të tyre për qytetarët dhe bizneset, ka qenë e do të mbetet misioni ynë!

Faleminderit për mirëkuptimin!

akshi e-albania

Sondazh

Poll

MË SHUMË