Aktualitet

Ndërroi jetë pas operacionit në një spital privat, nisin hetimet për vdekjen e 28-vjeçares

Ndërkohë sot Prokuroria, ka ngritur grupin hetimor, ku janë kryer veprimet e para procedurale si autopsia, marrja në pyetje e familjarëve, marrja në pyetje e mjekëve dhe anestezistit që kanë marrë pjesë në operacion.

31 Janar 2024, 10:26 Nga r.ll
Ndërroi jetë pas operacionit në një spital privat, nisin
foto ilustruese

TIRANË- Ditën e djeshme një 28-vjeçare u raportua se ka ndërruar jetë pas një operacioni në një spital privat në Tiranë.

Ndërkohë sot Prokuroria, ka ngritur grupin hetimor, ku janë kryer veprimet e para procedurale si autopsia, marrja në pyetje e familjarëve, marrja në pyetje e mjekëve dhe anestezistit që kanë marrë pjesë në operacion.

NJOFTIMI I POLICISË:

Ditën e djeshme, më datë 30.01.2024, është marrë njoftim se në një spital privat, pas një operacioni, ka ndërruar jetë shtetasja I. H., 28 vjeçe, banuese në Tiranë.

Pas marrjes së njoftimit, në drejtimin e Prokurorisë, është ngritur grupi hetimor dhe janë kryer veprimet e para procedurale si autopsia, marrja në pyetje e familjarëve, marrja në pyetje e mjekëve dhe anestezistit që kanë marrë pjesë në operacion.

Materialet do ti kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

Irida Hasalla i ishte nënshtruar operacionit Liposuction, ose heqja e dhjamit. Familjarët bënë denoncim në polici për mjekim të pakujdesshëm.  Vëllai thotë se kanë paguar 2 mijë euro

"Bëri një operacion që nuk i lejohej të bëhej se kurohej në Belgjikë për kancer" ka deklaruar i vëllai. 

tirane irida hasalla

Sondazh

Poll

MË SHUMË