Art&Argëtim

Studimi i Universitetit amerikan: TikTok manipulon publikun sipas interesave të qeverisë kineze

Në një deklaratë për NBC News, TikTok tha se institutpërdori metodologji të gabuar për të arritur një përfundim të paracaktuar dhe të rremë.

21 Dhjetor 2023, 22:55 Nga A.TH

TikTok

SHBA- Një raport i ri nga Instituti i Kërkimeve për Infektimin e Rrjetit thotë se TikTok promovon disa tema që janë në preferencat e qeverisë kineze. TikTok është në pronësi të një kompanie kineze dhe sipas raportit, kjo platformë ka të ngjarë të manipulojë opinionin publik për tema që lidhën drejtpërsëdrejti me të apo me ngjarje jo të drejtpërdrejta si lufta në Ukrainë dhe Lindjen e Mesme.

Grupi, një organizatë e pavarur kërkimore e përbërë nga psikologë, inxhinierë dhe analistë në Universitetin Rutgers, analizoi vëllimin e postimeve me hashtags politikisht të ndjeshëm në TikTok kundrejt Instagramit. Studiuesit krahasuan performancën e hashtagut me performancën mesatare të hashtags të muzikës pop, si #TaylorSwift dhe #CristianoRonaldo. Ata zbuluan se kishte 2.2 postime në Instagram me një hashtag të kulturës pop për çdo postim të tillë në TikTok, duke e konsideruar të pranueshme.

Më pas, ata bënë një analizë të ngjashme për hashtags të ngarkuar politikisht dhe thanë se gjetën dallime të njëanshme.Studiuesit arritën në përfundimin se për çdo postim të TikTok me një hashtag që mbështet Ukrainën, kishte 8.5 postime të tilla në Instagram, një mospërputhje e konsiderueshme dhe një që përputhet me mbështetjen e Kinës për Rusinë. Në një deklaratë për NBC News, një zëdhënës i TikTok, tha se raporti i institutit përdorte metodologji të pasaktë për të arritur një përfundim të paracaktuar dhe të rremë.

“Nuk merr parasysh faktin bazë që hashtags krijohen nga përdoruesit, jo nga TikTok. Përmbajtja të cilës i referohet raporti është gjerësisht i disponueshëm dhe pretendimet për shtypje janë të pabaza,” tha ai.

tiktok