Aktualitet

I vuri flakën tarracës së një lokali, arrestohet 29-vjeçari në Tiranë, u pagua 20 000 lekë për të kryer 'porosinë' (EMRI)

Porositësi ka paguar të ndaluarin që ka kryer aktin në shumë prej 20 mijë lekësh. Policia ka sekuestruar povat materiale të gjetura në banesën e 29-vjeçarit dhe po kryen hetimet për veprime të mëtejshme.

15 Tetor 2023, 09:35 Nga a.l
I vuri flakën tarracës së një lokali, arrestohet
Sende të sekuestruara

TIRANË- Klizajn Bajrami është vënë në pranga nga pasi ka hedhur lëndë djegëse në tarracën e një lokali.  Nga veprimi u dogjën panelet diellore dhe disa pajisje të ndryshme të lokalit. Sipas burimeve të policisë 29-vjeçari është porositur dhe paguar nga një 24 vjeçar.

Porositësi ka paguar të ndaluarin që ka kryer aktin në shumë prej 20 mijë lekësh. Policia ka sekuestruar provat materiale të gjetura në banesën e 29-vjeçarit dhe po kryen hetimet për veprime të mëtejshme.

NJOFTIM I POLICISË: 

Tiranë/Finalizohet nga Komisariati i Policisë Nr. 2, operacioni policor i koduar "Fire".

Hodhi lëndë djegëse në tarracën e një lokali dhe si pasojë u dogjën panalet diellore dhe disa pajisje të ndryshme të lokalit, identifikohet dhe vihet në pranga autori i zjarrvënies.

Shpallet në kërkim një 24-vjeçar, i cili kishte paguar autorin e zjarrvënies, për të djegur lokalin.

Sekuestrohen veshje të cilat autori ka patur veshur gjatë kryerjes së krimit, si dhe disa targa automjetesh të shtetësive të ndryshme, të gjetura gjatë kontrollit të banesës së tij.

Shërbimet e Komisariatit të Policisë Nr. 2, pas njoftimit të marrë se në një lokal në rrugën "Gjin Bue Shpata", kishte rënë zjarr, menjëherë kanë organizuar punën për dokumentimin e plotë ligjor të ngjarjes, dhe kanë finalizuar operacionin policor të koduar "Fire".

Si rezultat i këtij operacioni u ndalua shtetasi K. B., 29 vjeç, dhe u shpall në kërkim shtetasi R. B., 24 vjeç, të dy banues në Tiranë.

Shtetasi K. B., më datë 12.10.2023, ka hedhur lëndë djegëse në tarracën e një lokali në rrugën "Gjin Bue Shpata", dhe si pasojë janë djegur panelet diellore dhe disa pajisje të lokalit. Nga veprimet hetimore të kryera, ka rezultuar se ky shtetas është paguar nga shtetasi R. B., me shumën 20 000 lekë të rinj, për kryerjen e këtij krimi.

Në cilësinë e provës materiale u sekuestruan veshje të cilat autori i zjarrvënies, ka patur veshur gjatë kryerjes së krimit, si dhe disa targa automjetesh të shtetësive të ndryshme, të gjetura gjatë kontrollit të banesës së tij.

Punohet për kapjen e shtetasit R. B., si dhe të personave të tjerë të implikuar në këtë veprimtari kriminale.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

arrestime ne tirane klizjan bajrami

Sondazh

Poll

MË SHUMË