Politike

"Lapsusi i Financial Times"/ Rama: Pse nuk është Veriu i Kosovës tokë e askujt? Lulëzon krimi si në Lazarat

Ai krahasoi veriun e Kosovës me Lazaratin dhe ngriti pyetjen se pse nuk është Veriu i Kosovës tokë e askujt, kur aty lulëzon aktiviteti kriminal.

12 Tetor 2023, 11:29 Nga r.ll
"Lapsusi i Financial Times"/ Rama: Pse nuk është Veriu i
edi rama

TIRANË- Në fjalën e tij në Kuvend, kryeministri Edi Rama ka folur për deklaratën në Financial Times,se “Kosova ishte tokë e askujt”, duke u shprehur se ishte një lapsus në zbardhje i gazetarit britanik.

Rama tha se gazetari kërkoi ndjesë publike dhe se Financial Times “në zbardhjen e intervistës sime të dhënë në telefon, kishte harruar sikur ia kishte shtyrë dorën djalli fjalën Veri përpara fjalës Kosovë”.

Ai krahasoi veriun e Kosovës me Lazaratin dhe ngriti pyetjen se pse nuk është Veriu i Kosovës tokë e askujt, kur aty lulëzon aktiviteti kriminal.

“S’kam shpresë se këta do të ma lehtësojnë akuzën për tradhtuar përderisa edhe një lapsus i Financial Times, e cila në zbardhjen e intervistës sime të dhënë në telefon, kishte harruar sikur ia kishte shtyrë dorën djalli fjalën veri përpara fjalës Kosovë, gjë që u korrigjua dhe u kërkua ndjesë. E karakterizova veriun e Kosovës me shprehjen angelze, pse nuk qenka “no man’s land”, kur aty lulëzojnë aktivitete të paligjshme kriminale, kur s’ka asnjë kontroll dhe mundësi të parashikosh çfarë vjen nesër”, tha Rama.

edi rama

Sondazh

Poll

MË SHUMË