Politike

Rama: Anëtarësimi në BE, i dyanshëm, nuk merrem me data

Në intervistë për RTSH, Rama tha se në tryezat e shumta me homologët ai garantoi vullnetin për të përmbushur kriteret e Shqipërisë për përshpejtimin e procesit integrues.

5 Tetor 2023, 21:01 Nga I.A
Rama: Anëtarësimi në BE, i dyanshëm, nuk merrem me data
Edi Rama

SPANJË- Kryeministri Edi Rama ka folur për integrimin e Shqipërisë në kuadër të takimit evropian që po mbahet në Granadë të Spanjës. Në intervistë për RTSH, Rama tha se në tryezat e shumta me homologët ai garantoi vullnetin për të përmbushur kriteret e Shqipërisë për përshpejtimin e procesit integrues.

"Unë nuk merrem me data. Ajo që është e rëndësishme është që Shqipëria e ka hapur rrugën e negociatave, është duke punuar intensivisht me Brukselin, kemi vajtje-ardhje të vazhdueshme të grupeve tona negociatore, kështu që ne jemi në rrugën tonë. Çështja e anëtarësimit në Bashkimin Evropian është një çështje e dyanshme: nga njëra anë duhet të bëjmë të gjitha detyrat e shtëpisë, ndërsa nga ana tjetër është vendimmarrja e Komisionit Europian, e cila është një vendimmarrje sovrane që lidhet edhe me aspekte politike," u shpreh kryeministri.

edi rama

Sondazh

Poll