Politike

“Qeveria është kapur me presh në aferën e Inceneratorëve”, Kryemadhi: Ekonomia po mbahet nga paratë e emigrantëve dhe droga

Ajo ngriti shqetësimin se ekonomia e vendit po mbahet nga paratë e emigrantëve dhe të ardhurat nga trafikimi i drogës.

5 Tetor 2023, 18:29 Nga I.A
“Qeveria është kapur me presh në aferën e
Monika Kryemadhi

TIRANË- Deputetja e Partisë së Lirisë Monika Kryemadhi ka deklaruar se qeveria është e përfshirë në një aferë në lidhje me inceneratorët. Kryemadhi në Kuvend, u shpreh se qytetarët e Tiranës vazhdojnë të paguajnë një shumë prej 80 mijë eurosh në ditë për inceneratorin. Ajo ngriti shqetësimin se ekonomia e vendit po mbahet nga paratë e emigrantëve dhe të ardhurat nga trafikimi i drogës.

“Mua më rri çekani te inceneratori, sepse ajo është edhe pika që qeveria është kapur me presh në dorë. Qytetarët e Tiranës paguajnë 80 mijë euro në ditë. I thonë 8 biznese bujqësore në ditë apo 2000 në vit. Ekonomia shqiptare po mbahet nga paratë e emigrantëve dhe paratë e drogës. Gjithë ndërtimet këtu janë kthyer në lavatriçen e pastrimit të parave. Edhe ekonomia kontrollohet në 5 duar dhe bekimin politik e merr nga qeverisja. Ne kemi 24 mijë e 524 lindje në vitin 2021. 18 mijë janë të regjistruara jashtë Shqipërisë. Është fatkeqësi sesi ne po shpopullohemi me ritme kaq të shpejta. Duhet të japim shpresë se ky vend nuk do të jetë në dorën e atyre”, u shpreh Kryemadhi.

monika kryemadhi seance plenare 5 tetor 2023

Sondazh

Poll

MË SHUMË