Politike

Basha i shmanget akuzës konkrete: Nuk kam marrë kate në asnjë kullë

5 Tetor 2023, 15:08 Nga f.i
Basha i shmanget akuzës konkrete: Nuk kam marrë kate në
Lulzim Basha

TIRANË- Lulzim Basha ka hedhur poshtë akuzat e Gazment Bardhit se ka marrë dy kate në një nga kullat e ndërtuara në Tiranë. Basha me anë të një postimi në Facebook i quajti akuzat "pjesë e lojës së pisët dhe të vjetër të baltosjes”.

Ndër të tjera Basha komentoi dhe çështjen e McGonigal, duke theksuar se kjo është kthyer në aktakuzën më të rëndë ndaj sulmeve të ulëta kundër meje prej Edi Ramës e Sali Berishës, si edhe prej kujtdo tjetër që po përdoret prej tyre.

Reagimi i Bashës: 

Aleanca e kullave dhe e non gratave nuk do ta bëjë pis e as do ta mbajë peng Partinë Demokratike. Njerëzit e dinë mirë çfarë përfaqësojnë këta individë dhe interesave të kujt i shërbejnë. Janë të njëjtët që sot flirtojnë me atë të cilit dje i thoshin vrasës. Sa për gënjeshtrat e fundit: Unë as nuk kam porositur kulla dhe as nuk kam marrë kate në asnjë kullë. Këto janë mashtrime të dëshpëruara, pjesë e lojës së pisët dhe të vjetër të baltosjes.

Ndërsa çështja McGonigal është kthyer në aktakuzën më të rëndë ndaj sulmeve të ulëta kundër meje prej Edi Ramës e Sali Berishë, si edhe prej kujtdo tjetër që po përdoret prej tyre. Se kush e shpëtoi Edi Ramën nga llogaridhënia për Kosovën, e pamë mirë në konferencën e djeshme të kryetarëve dhe në konsensusin për të ruajtur imazhin e Ramës.

Kaq në respekt të qytetarëve, sepse asgjë nuk pres nga ata që për hallet dhe karriket e tyre, duan të na shfokusojnë nga problemet e Shqipërisë dhe të shqiptarëve.
Ashtu si padrinoja non grata e humbi luftën e shpifjeve disa vjeçare, pasi koha e nxorri të vërtetën në dritë, edhe zëdhënësin e tij të radhës e pret i njëjti fat.

lulzim basha

Sondazh

Poll

MË SHUMË