Politike

“Të vijojë dialogu Kosovë-Serbi”/ Rama nga Spanja: Masat duhen marrë sa nuk është vonë

Rama kërkoi që veprimi i Serbisë që mbajti zi për të vrarët nga grupi terrorist që ekzekutuan policin e Kosovës Afrim Bunjaku, është e papranueshme dhe duhet të dënohet nga BE-ja.

5 Tetor 2023, 14:06 Nga A.B
“Të vijojë dialogu Kosovë-Serbi”/ Rama nga Spanja:
Edi Rama

SPANJË- Përpara se të nisë takimi i Komunitetit Politik Europian, kryeministri Edi Rama ka deklaruar se situata në veri të Kosovës është e rrezikshme, pas vrasjes së policit nga grupi paramilitar serb. Rama kërkoi që veprimi i Serbisë që mbajti zi për të vrarët nga grupi terrorist që ekzekutuan policin e Kosovës Afrim Bunjaku, është e papranueshme dhe duhet të dënohet nga BE-ja.

“Lufta është një fjalë shumë e madhe, por para se të jetë vonë, masat duhen te merren dhe ne po ndjekim me detaje është shumë e rëndësishme që ka dëshira dhe lëvizje që NATO të forcojë misionin e KFOR në veri. Kufiri aty është transparent dhe ka mjete dhe trafik kriminal që ndodh aty dhe në të njëjtën kohë shpresojmë dialogu të rikthehet.

Nuk ka diçka të tillë si anëtarësimi i klasit të dytë, siç jemi në këtë situata po, ka klasë të parë dhe klasë të dytë të evropianëve, evropianë që janë pjesë e BE dhe evropianë që janë jashtë BE.

Duhet të jemi realist dhe nuk duhet të shohim gishtin, kur ai tregon hënën dhe të besojmë se kjo Europë e 27 vendeve që ka shumë probleme për të pasur një vendimmarrje kompakte, mund të zgjerohet me 34, 35, 37 së shpejti, por në vend të asgjë apo gjithçka për ne edhe pse nuk jemi pjesë e BE, duhet të konsiderohen alternativa të reja  dhe sigurisht kjo ndarje në shtëpi duhet të jetë shumë interaktive.

Si përshembull, shpirti i komunitetit politik të BE duhet të jetë, në perimetrin e BE, pa pasur edhe anëtarësim së shpejti, sepse kjo nuk do të ndodhi” tha Rama.

edi rama

Sondazh

Poll

MË SHUMË