Politike

Shabani: Pse punonin fëmijë e gra? Mediu: Para Gërdecit, 140 persona kanë vdekur nga shpërthimet gjatë demontimit

Ndërkohë kreu i “Nisma Thurje”, Endri Shabani tha se në atë fabrikë kanë punuar fëmijë dhe gra, që sipas tij është në shkelje të ligjit.

4 Tetor 2023, 22:32 Nga I.A
Shabani: Pse punonin fëmijë e gra? Mediu: Para Gërdecit, 140
Endrit Shabani dhe Fatmir Mediu

TIRANË- Ish-ministri Fatmir Mediu deklaroi se para shpërthimit në Gërdec, nga shpërthimet e ndodhura në depot e demontimit, kanë humbur jetën 140 persona. I ftuar në emisionin “Open” në News24, Mediu tha se edhe pse kanë vdekur kaq shumë persona, asnjë ministër nuk ka dhënë dorëheqjen, duke shtuar se ishte ai ministri që mori përsipër përgjegjësinë politike pas tragjedisë. Ndërkohë kreu i “Nisma Thurje”, Endri Shabani tha se në atë fabrikë kanë punuar fëmijë dhe gra, që sipas tij është në shkelje të ligjit.

Pjesë nga debati:

Shabani: Këtu ka viktima dhe dikush duhet të mbajë përgjegjësi

Mediu: Kur Mediu nuk ndalon dot prokurorinë të bëjë një veprim të paligjshëm, si und të ndalojë të bëjë një veprim të ligjshëm?

Shabani: Ju mund ta ndihmoni drejtësinë me informacion… aty kanë vdekur njerëz që nuk duhet të ishin fare në fabrikë, që nga mosha…  ai që është ministër i mbrojtjes ndjen një përgjegjësi pse ka zgjedhur këtë kompani dhe pse aty. Nëse keni pasur presion nga lart, bashkëpunoni me drejtësinë

Mediu: Këto marifete aludimesh shko bëji diku tjetër, jo me mua

Shabani: Nuk ka aksident në një fabrikë ku kishte fëmijë dhe gra

Mediu: Po ju them, e dini sa janë vrarë para Gërdecit nga shpërthimi i municioneve? 140! Ka pasur ndonjë ministër të japë dorëheqje?

fatmir mediu ceshtja gerdeci endrit shabani

Sondazh

Poll

MË SHUMË