Politike

Seancë për ngjarjet në Kosovë/ Konferenca e Kryetarëve vendos datën, ja kur do të mbahet

Në rezolutën e dorëzuar sot në Kuvend thuhet se PS, dënon ashpër sulmin e armatosur dhe të organizuar terrorist mbi Policinë e Kosovës më datë 24 shtator 2023, i cili i mori jetën një punonjësi të Forcave të Policisë së Kosovës dhe shkaktoi dy të plagosur në radhët e saj. 

4 Tetor 2023, 13:05 Nga r.ll

Seancë për ngjarjet në Kosovë/ Konferenca e Kryetarëve

TIRANË- Konferenca e Kryetarëve ka vendosur që në 12 tetor të mbahet në Kuvend seanca për sulmin terrorist nga një grup serbe në veri të Kosovës, ku humbi jetën efektivi i Policisë së Kosovës, Afrim Bunjaku. 

Pak më herët deputeti demokrat, Gazment Bardhi kërkoi mbajtjen e një seance urgjente në Kuvend për mocion me debat dhe miratimin e rezolutës për situatën në Kosovë.

"Është urgjente që të zhvillojmë mocionin me debat. Nuk mundet ne të jemi të fundit. PE e ka zhvilluar."- ka thënë Bardhi. 

Në rezolutën e dorëzuar sot në Kuvend thuhet se PS, dënon ashpër sulmin e armatosur dhe të organizuar terrorist mbi Policinë e Kosovës më datë 24 shtator 2023, i cili i mori jetën një punonjësi të Forcave të Policisë së Kosovës dhe shkaktoi dy të plagosur në radhët e saj.  Mes tjerash kërkon nga Serbia që të heqë dorë nga qëndrimet dhe veprimet armiqësore e luftënxitëse ndaj Kosovës, të hapë një hetim serioz e transparent për organizuesit e sulmit në Kosovë.

“Partnerët të ushtrojnë ndikim për të ballafaquar Serbinë me rolin që ka patur në sulm. SHBA dhe BE të ngrenë alarmin për të parandaluar rrezikun që i kanoset paqes dhe sigurisë së Kosovës” thuhet ndër të tjera në pr/rezolutë. Gjithashtu ndër të tjera nënvizohet se prania e shtuar e trupave në KFOR në Veri të Kosovës është garanci për paqen në rajon.

konferenca e kryetareve

Sondazh

Poll

MË SHUMË