Politike

Balla: Policët që kanë pasur akses në EncroChat apo Sky do përjashtohen nga radhët e policisë

Balla tha se ky rregull do të zbatohet pa përjashtim për të gjithë. 

4 Tetor 2023, 10:14 Nga r.ll
Balla: Policët që kanë pasur akses në EncroChat apo Sky do
Taulant Balla

TIRANË- Ministri i Brendshëm, Taulant Balla po raporton në Komisionin për Çështjet Europiane. Gjatë fjalës së tij ai paralajmëroi se të gjithë efektivët që kanë pasur akses në rrjete komunikimi EncroChat apo Sky do të përjashtohen nga Policia e Shtetit. Balla tha se ky rregull do të zbatohet pa përjashtim për të gjithë. 

“Ka pasur dhe ka punonjës që janë përfshirë në botën e krimit. I kam kërkuar Policisë dhe AMP, duke qenë se jemi edhe vetë në kontakt me Europol, që të kemi informacion sa më shpejt të jetë e mundur, për çdo punonjës që do rezultojë që të ketë pasur akses në këto rrjete komunikimi EcroChat apo Sky do përjashtohet nga policia edhe në rast se në ato komunikime nuk rezulton të ketë aktivitet kriminal. Fakti që ka akses në rrjet të tillë, kjo është pjesë e angazhimit tim që lidhet me kodin etik në policinë e shtetit, ndalohet që një punonjës të ulet në kafe apo restorant me persona me background kriminal, kjo vlen edhe për takimet virtuale me krimin. Ky rregull do të zbatohet për të gjithë. SPAK po heton mbi gazën e të dhënave të vënë në dispozicion nga Europol dhe do kemi të dhëna konkrete”, tha Balla.

taulant balla

Sondazh

Poll

MË SHUMË