Aktualitet

Iu merrte para qytetarëve për parkim në zonë publike, arrestohet 42-vjeçari në Durrës

Mësohet se 42-vjeçari me iniciale A.Ç iu merrte para qytetarëve për të parkuar automjetet në një hapësirë që është përcaktuar nga bashkia si vendparkim falas. 

20 Gusht 2023, 15:44 Nga I.A
Iu merrte para qytetarëve për parkim në zonë publike,
Foto Ilustruese

DURRËS- Një 42-vjeçar është arrestuar në Durrës për përfitim të paligjshëm dhe për shfrytëzim të hapësirave publike. Mësohet se 42-vjeçari me iniciale A.Ç iu merrte para qytetarëve për të parkuar automjetet në një hapësirë që është përcaktuar nga bashkia si vendparkim falas. 

Njoftimi i Policisë:

Durrës/Iu merrte para qytetarëve që parkonin automjetet në një hapësirë publike që ishte përcaktuar nga bashkia, si vendparkim pa pagesë, arrestohet 42-vjeçari. Si rezultat i kontrolleve të vazhdueshme që specialistët për Hetimin e Krimeve Ekonomike dhe Financiare të DVP Durrës kryejnë në subjekte të ndryshme ekonomike, është goditur një tjetër rast i përfitimit në mënyrë të paligjshme, të pagesave për parkimin e automjeteve në hapësira publike. Për këtë rast, është vënë në pranga shtetasi A. Ç., 42 vjeç, banues në Durrës, pasi iu merrte para qytetarëve, për të parkuar automjetet në një hapësirë e cila ishte përcaktuar nga bashkia e Durrësit, si vendparkim pa pagesë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

policia e durresit

Sondazh

Poll

MË SHUMË