Art&Argëtim

'Bojkotojeni koncertin e Cecës, gruas së kriminelit Arkan'/ Koncerti në Mal të Zi shkakton trazira, edhe Berisha thirrje: Dëgjoni jehonën e diasporës shqiptare

Thirrjen e shqiptarëve dhe organizatave e ka shpërndarë edhe kryedemokrati Sali Berisha, i cili ka ndarë edhe "pamfletin" që shoqëron lëvizjen.

31 Korrik 2023, 10:08 Nga k.m.
'Bojkotojeni koncertin e Cecës, gruas së kriminelit Arkan'/
Ceca dhe Arkani

TIRANË- Një koncert i Ceca-s në Mal të Zi duket se nuk po pritet mirë. Sali Berisha, kryetari i PD-së, i është bashkuar thirrjes së diasporës shqiptare në të gjitha rrjetet sociale për të bojkotuar koncertin e Cecës, gruas së kriminelit serb të luftës, Arkanit, e cila do të interpretojë në një restorant në Ulqin të Malit të Zi. Por data e eventit ende nuk është bërë me dije, por megjithatë ka shkaktuar shumë reagime nga komuniteti shqiptar që kërkon të anulohet eventi. 

Thirrjen e shqiptarëve dhe organizatave e ka shpërndarë edhe kryedemokrati Sali Berisha, i cili ka ndarë edhe "pamfletin" që shoqëron lëvizjen.

"Bojkoto Cecën! Bojkotoni kriminelët e luftës dhe mbështetësit e tyre! Bashkohuni me organizatat shqiptaro-amerikane të Malit të zi në bojkotimin e restorantit që organizon koncertin e Cecës, bashkëshorten e kriminelit të luftës së Arkanit që masakroi mijëra shqiptarë. Kushdo që merr pjesë në koncert po mbështet kriminelët e luftës që kanë bërë masakrën, përdhunime, gjenocidin ndaj shqiptarëve dhe boshnjakëve,"-thuhet në letër. 

Kush janë Arkani dhe Ceca?

Krimineli i njohur serb Zheljko Razhnjatovic i njohur si Arkani është një nga figurat më të tmerrshme që ka njohur ndonjëherë Ballkani. Arkani njihet edhe si udhëheqësi i njësisë ushtarake “Tigrat”, që akuzohet për masakra gjatë luftërave në Kroaci, Bosnjë e Herzegovinë dhe Kosovë. Zheljko Razhnjatovic u martua me Svetlana Raznatovic, e njohur si Ceca, një nga këngëtaret më në zë të Serbisë dhe së bashku kanë një vajzë, Anastasija dhe një djalë, Vjelko. Arkani u vra në vitin 2000 teksa dilte nga një hotel, ndërsa brenda ishte ende gruaja e tij. Vdekja e tij ishte shumë e mistershme. Ende sot mbetet enigmë.

ceca razhnjatoviq ceca

Sondazh

Poll

MË SHUMË