Aktualitet

Aksioni i Policisë/ Del autopsia për muxhahedinin që humbi jetën në kampin e MEK: Kishte probleme me zemrën, s'ishte trajtuar!

Sa i takon disa shenjave të konstatuara në trupin e viktimës, në raportin mjeko-ligjor thuhet se janë shkaktuar nga rënia në momentet e fundit të jetës.

26 Korrik 2023, 17:26 Nga k.m.
Aksioni i Policisë/ Del autopsia për muxhahedinin që humbi
Pamje nga kampi i MEK

TIRANË- Muxhahedini 78-vjeçar Ali Mostashari e humbi jetën nga një arrest kardiak ditën e 20 Qershorit, kur policia zhvilloi aksionin në kampin e MEK. Ky është përfundimi i ekzaminimeve të bëra nga Mjekësia Ligjore. Në raportin që Tv Klan e disponon ekskluzivisht, thuhet se vdekja i ka ardhur si pasojë problemeve në zemër, si dhe nga agravimi i organeve të tjera jetësore, për shkak të mostrajtimit mjekësor.

“Ndryshimet organore janë pasojë e sëmundjeve nga të cilat ka vuajtur viktima. Shkaku i vdekjes së shtetasit Ali Mostashari ka qenë koronaroskleroza e avancuar me mekanizmin e infarktit të freskët të muskulit të zemrës.”

Sa i takon disa shenjave të konstatuara në trupin e viktimës, në raportin mjeko-ligjor thuhet se janë shkaktuar nga rënia në momentet e fundit të jetës.

“Dermishtjet e vërejtura në kokë, hundë dhe gjymtyrët e poshtme si edhe ekimozat e vërejtura në anën e djathtë të fytyrës me mundësinë më të madhe duhet të jenë shkaktuar si pasojë e rrëzimit në momentet e fundit të jetës.”

Ekspertët mjeko ligjorë kanë konkluduar se Ali Mostashari ka ndërruar jetë mes orës 10:00-12:00 të paradites së 20 Qershorit. Ekzaminimi i trupit të tij është bërë 8 deri 10 orë më pas./TvKlan

organizata mek mek

Sondazh

Poll

MË SHUMË