Aktualitet

Komisioneri thirrje kompanive detare: Të marrin masa për mbrojtjen e të dhënave personale

Komisioneri ka konstatuar se kompania lidh kontrata edhe me palë të treta për shitjen e biletave.

26 Korrik 2023, 15:55 Nga f.i
Komisioneri thirrje kompanive detare: Të marrin masa për mbrojtjen e
foto ilustruese

TIRANË- Komisioneri për të Drejtën e Informimit dhe Mbrojtjen e të Dhënave Personale ka kërkuar nga kompanitë që zhvillojnë transportin detar përmes trageteve të kenë kujdes mbi të dhënat personale që përpunojnë.

Një ankesë pranë kësaj zyre mbi të dhënat që përpunohen nga kompanitë dhe detajet që mbahen shënim pas çdo bilete të prerë ka bërë që Komisioneri të zhvillojë hetim pranë njërës prej kompanive duke konstatuar se janë një sërë elementesh që lidhen me sigurinë të cilat duhet të përmirësohen.

Një dokument i printuar që përmban detaje si “emër”, “mbiemër”, “gjinia”, “shtetësia”, “datëlindja”, “vendbanimi”, “Nr. ID”, “kodi i udhëtimit”, “data e udhëtimit” dhe “trageti” është bërë shkak për këtë sinjalizim. Komsioneri në vlerëson se dokumenti përmban të dhëna të përmbledhura për pasagjerët e dy linjave të transportit detar Adria Ferries dhe GNV.

Komisioneri ka konstatuar se kompania lidh kontrata edhe me palë të treta për shitjen e biletave. Kontrolluesi për shitjen e biletave operon në të gjithë territorin e Shqipërisë nëpërmjet agjentëve/brokerave. Rezulton se, me kërkesë të Kontrolluesit pranë kompanisë “mëmë” krijohet dhe administrohet në sistemin elektronik “Booking vers.2021” çdo llogari e agjentëve që operojnë në Shqipëri.

“Nga verifikimi, në vend, i sistemit “Booking vers.2021”, rezulton se, ndër të tjera, të dhënat personale për personat të cilët kanë rezervuar një biletë udhëtimi, ruhen pa afat, në kundërshtim me parimet e mbrojtjes së të dhënave personale të parashikuara në germën “d” të pikës 1, të nenit 5 të Ligjit” -thuhet në dokumentin e Komsionerit.

Komsioneri ka lënë afat për zbatimin e këtyre rekomandimeve për kompanitë në fjalë ku për një pjesë prej tyre masat duhet të merren në harkun e dy javëve ndërsa për disa të tjera një afat më i gjatë që shkon në një muaj ose një muaj e gjysmë.

Marrë nga Monitor

e drejta e informimit te dhenat personale

Sondazh

Poll

MË SHUMË