Një arsye banale dyshohet se u bë shkak për sherrin masiv mes shqiptarëve pasditen e së dielës në Padova të Italisë, ku mbeti i vrarë 24-vjeçari Albert Deda dhe u plagosën 2 të tjerë.
ITALI-Një arsye banale dyshohet se u bë shkak për sherrin masiv mes shqiptarëve pasditen e së dielës në Padova të Italisë, ku mbeti i vrarë 24-vjeçari Albert Deda dhe u plagosën 2 të tjerë.
Vëllezërit shqiptarë Ilmi dhe Klinton Rakipaj akuzohen për vrasje dhe tentativë vrasje të rëndë për motive banale. Të përgjuar nga policia teksa tentonin të largoheshin nga Italia 12 orë pas krimit të rëndë në Via Dorighello në lagjen Forcellini në Padova ku mbeti i vrarë me thikë 24-vjeçari shqiptar Albert Deda, ata do të merren sot në pyetje.
Kështu do të vendoset vlefshmëria e paraburgimit dhe më pas dosja do t'i dërgohet prokurorit. Sipas të gjitha gjasave, 24-vjeçari dhe 19-vjeçari do të transferohen në Padova deri në fund të javës. Të enjten, u caktua një autopsi në trupin e viktimës për të kuptuar se sa dhe cilat ishin plagët fatale, shkruajnë mediat e huaja.
Dy bashkatdhetarët e tjerë të plagosur, në kulmin e debatit të dhunshëm që shpërtheu në orët e para të pasdites së të dielës së 23 korrikut në hyrje të pallatit ku banonin, ndodheshin ende të shtruar në spital.
Asnjë prej tyre nuk kishte precedentë penalë: të gjitha dosjet ishin të pastra. Shkak i mosmarrëveshjes mes shqiptarëve, sipas karabinierëve, ishte debati mes miqve për ardhjen e një shoku të ri të dhomës, i cili degjeneroi në vrasje dhe tentativë vrasje. Kjo është hipoteza më e besueshme pas hetimeve të sakta dhe në kohë nga hetuesit, lidhur me motivin që ka shkaktuar dhunën, e që ka prishur qetësinë e rrethit Forcellini, i banuar nga pensionistë, studentë dhe familjarë.
Arma e vrasjes ishte një thikë kuzhine. Kështu rezulton nga hetimet e para të kryera nga karabinierët e Njësisë Hetimore të Departamentit të Operacioneve. Thika u gjet brenda banesës në via Dorighello 8. Pas goditjes me thikë, vëllezërit Ilmi dhe Klinton Rakipaj ishin kthyer në shtëpi, duke përgatitur një çantë shpine për arratisjen e tyre. Gjatë autopsisë do të verifikohet përputhshmëria mes plagëve vdekjeprurëse në trupin e Albert Dedës dhe tehut të thikës së kuzhinës së sekuestruar.
Xhojsi Lamaj Xhojsi Lamaj, kursanti për Patrullë të Përgjithshme në Akademinë e Sigurisë u vlerësua me Certifikat&...
shtetasja kolumbiane TIRANË- Një shtetase kolumbiane ka zgjedhur një formë të pazakontë të protestës, duke dalë...
zjarri ne Mallakaster MALLAKASTËR- Një tjetër vatër zjarri sapo është ndezur në fshatin Hekal të Mallakastrës...
Sektori i turizmit po përjeton në 2023-n vitin më të mirë historik deri tani. Të dhënat e fundit të publikuara nga INS...
policia Shkoder SHKODËR- Në Shkodër, një banese i është vënë zjarri qëllimisht. Ngjarja ka ndodhur rreth or&e...
zjarret ne vend TIRANE- Ministri i Mbrojtjes, Niko Peleshi, ka reaguar për situatën e zjarreve në vend. Ai bën me dije me anë t&e...
lenda narkotike e sekuestruar BERAT- Policia në Berat ka vënë në pranga një 34-vjeçar që siguronte lëndë na...
policia shuan zjarrin me dege pemesh TIRANË- Kryetari i Partisë Demokratike, Sali Berisha, ka ndarë me ndjekësit në Facebook disa...
Foto nga ngjarja TIRANË-Apeli i GJKKO lë në fuqi dënimin me 122 vite burg për 7 anëtarët e grupit për grabitjen 4.6...
Mira Rakacolli TIRANË- Qeveria shqiptare ka vendosur të mbulojë shpenzimet e mjekimit për zv/ministren e Shëndetësis&eum...