Aktualitet

Vrau ish-kunatën/ Apeli dënon me 28 vite Agron Tanushin, nëna e viktimës: Ai do na vrasë si Dan Hutra

Nëna e Jetmira Hasani ishte në gjykatë për të dëgjuar masën e dënimit për atë që i vranë të bijën.

26 Korrik 2023, 10:55 Nga A.B
Vrau ish-kunatën/ Apeli dënon me 28 vite Agron Tanushin, nëna e
Jetmira Hasani dhe Agron Tanushi

TIRANË- Gjykata e Apelit ka rritur me 5 vite burg masën e dënimit për Agron Tanushin i cili në 2020 vrau ish kunatën Jetmira Hasani. Ndërkohë Gjykata e shkallës së parë e kishte dënuar me 23 vite burg. Nëna e Jetmira Hasani ishte në gjykatë për të dëgjuar masën e dënimit për atë që i vranë të bijën. Ajo thotë se nëse do të ishte vetë gjyqtarja do e dënonte me burg për jetë pasi gjëma që i ka bërë është e madhe.

“Sot në Gjykatë thamë të gjitha gjërat që ai na ka bërë. Njëherë na ka vrarë, kemi frikë kur të dalë. Nuk vranë një nuse por një ëngjëll. Dan Hutra u lirua e vrau tre gra. Ta kisha unë në dorë do e vrisja vetë, por shteti nuk ma lë mua në dorë” thotë e moshuara.

Jetmira Hasani, 34 vjeçe u vra në shtator mbrëmjen e muajit tetor 2020 nga kunati i saj, Agron Tanushi në banesën e saj në Bathore.

Hasani, prej vitesh jetonte në Greqi, por edhe pse ishte divorcuar me vëllanë e Tanushit, sa herë vinte në Shqipëri, jetonte në shtëpinë e familjes Tanushi. Për këtë arsye, mes autorit dhe viktimës, ka pasur shumë herë sherre për shkaqe pronësie./Dosja.al

jetmira hasani agron tanushi

Sondazh

Poll

MË SHUMË