Politike

'Pyesni Albinin'/ Nuk u takuan, Rama: Unë jam përpjekur të komunikoj me të, por ka qenë e vështirë

Rama pranoi se ka qenë shumë e vështirë kontakti me Kurtin, por shtoi se nuk do e gjykojë.

6 Korrik 2023, 20:57 Nga A.B
'Pyesni Albinin'/ Nuk u takuan, Rama: Unë jam përpjekur
Albin Kurti

KOSOVË- Kryeministri Edi Rama ka bërë të ditur se ka tentuar që të komunikojë me kryeministrin e Kosovës Albin Kurti, por pa rezultat. Gjatë intervistës në 'Rubikon' në 'Klan Kosova', Rama u shpreh se për arsyen e refuzimit të takimit, duhet pyetur vetë Kurti.

Më tej, ai shtoi se ka qenë shumë e vështirë kontakti me Kurtin, por shtoi se nuk do gjykojë njeri. 

“Për këtë duhet të pyesni Albinin, s'kam ardhur me mision të interpretojë qëndrimin e Albinit, gjëja më e rëndësishme sot është që njerëzit të takohen flasin dhe për më tepër kur kanë qëndrime të ndryshme, sepse duke u takuar dhe folur mbase kuptojnë më mirë njëri tjetrin. Kemi komunikim ose më saktë jam përpjekur të komunikoj, por ka qenë e vështirë. Është një moment i tillë dhe nuk dua të jap gjykim. Ka dhe një keqkuptim sikur anulimi i mbledhjes ka ardhur si pararendje e masave të BE, në fakt e kundërta. Kam dashur takim që ti përcjell disa shqetësime dhe kam dashur që të lehtësoj pozicionin e Kosovës. E kam kërkuar nga Borrell duke i kërkuar që të shtyjë disa ditë nxjerrjen e masave në një përpjekje për të kuptuar situatën dhe palët. S’ka qenë e mundur për ta bërë takimin se Albini ka qenë shumë i zënë, punë të tjera që nuk ka qenë i disponueshëm. Ja kam thënë që ne nuk mundet dot të sillemi sikur asgjë nuk po ndodh dhe të bëjmë një mbledhje sikur çdo gjë shkon për mrekulli”.

edi rama

Sondazh

Poll

MË SHUMË