Aktualitet

'Vrasës me pagesë'/ Në kërkim për grabitjen e Exchange, Tafani pjesmarrës në vrasje të bujshme në vend

Makina e gjetur e vjedhur në garazhin e bashkëpunëtorit të tij pas zbardhjes së grabitjes dyshohet se do përdorej në ngjarje të tjera kriminale.

5 Korrik 2023, 19:13 Nga A.B
'Vrasës me pagesë'/ Në kërkim për grabitjen e
Artan Tafani

TIRANË- Artan (Marjus) Tafani, i riu i shpallur në kërkim për grabitjen e rreth 40 mijë eurove në një exchange në zonën e Astirit, dyshohet se është përfshirë edhe në ngjarje të tjera kriminale. Burime nga grupi hetimor bëjnë me dije se Tafani mund të jetë pjesë e një grupi vrasësish me pagesë. Sipas po të njëjtave burime mësohet se 39-vjeçari ka marrë pjesë në një vrasje të bujshme në vend.

Makina e gjetur e vjedhur në garazhin e bashkëpunëtorit të tij pas zbardhjes së grabitjes dyshohet se do përdorej në ngjarje të tjera kriminale.

Artan (Marius) Tafani është emër i njohur për policinë, pasi ai u shpall në kërkim 3 ditë pas grabitjes së pikës valutore. Ai u identifikua pas vëzhgimit të kamerave të sigurisë, ku rezultoi se ai ka lëvizur me biçikletë dhe me pas ka humbur gjurmët me taksi. Për ngjarjen u arrestua edhe Enio Meçaj, në magazinën e të cilit u gjetën edhe rrobat që përdori në grabitje 39-vjeçari./Dosja.al

artan tafani

Sondazh

Poll

MË SHUMË