Politike

A po zbatohet Konventa kundër torturës? SPT paralajmëron kontrolle në Shqipëri, mbërrijnë në 2024

Sipas mandatit specifik të Protokollit Opsional të Konventës kundër Torturës (OPCAT), SPT kryen vizita në shtetet palë për të vlerësuar situatën e njerëzve të privuar nga liria dhe monitoron një gamë të gjerë mjedisesh, si burgjet, komisariatet e Policisë, spitalet psikiatrike, kampet e mbyllura të refugjatëve dhe qendrat e paraburgimit të emigracionit.

4 Korrik 2023, 19:59 Nga k.m.
A po zbatohet Konventa kundër torturës? SPT paralajmëron
Foto ilustruese

GJENEVË- Nënkomiteti i OKB-së për Parandalimin e Torturës (SPT) ka njoftuar planet për të vizituar Shqipërinë, Bolivinë, Gabonin dhe Mongolinë në gjysmën e parë të vitit 2024. E po ashtu ka konfirmuar vizitat e ardhshme në Kroaci, Gjeorgji, Guatemalë, Palestinë, Filipine, vende që do vizitohenn në gjysmën e dytë të këtij viti. Këto vendime u morën në seancën e fundit konfidenciale të mbajtur në Gjenevë në qershor. SPT do të njoftojë më shumë vizita në 2024 pas takimit të saj të ardhshëm në nëntor.

Sipas mandatit specifik të Protokollit Opsional të Konventës kundër Torturës (OPCAT), SPT kryen vizita në shtetet palë për të vlerësuar situatën e njerëzve të privuar nga liria dhe monitoron një gamë të gjerë mjedisesh, si burgjet, komisariatet e Policisë, spitalet psikiatrike, kampet e mbyllura të refugjatëve dhe qendrat e paraburgimit të emigracionit. Po ashtu, SPT gjithashtu takohet dhe punon me mbikëqyrësin e pavarur të çdo shteti për parandalimin e torturës, i quajtur zyrtarisht Mekanizmi Kombëtar i Parandalimit (MKP), si dhe me autoritetet publike dhe organizatat e shoqërisë civile.

Nënkomiteti për Parandalimin e Torturës monitoron respektimin e shteteve palë në Protokollin Opsional të Konventës kundër Torturës , i cili deri më sot është ratifikuar nga 92 vende. Nënkomiteti përbëhet nga 25 anëtarë, të cilët janë ekspertë të pavarur të të drejtave të njeriut, të ardhur nga e gjithë bota, të cilët shërbejnë në kapacitetin e tyre personal dhe jo si përfaqësues të shteteve palë./OHCHR

raporti i okb okb

Sondazh

Poll

MË SHUMË