Bota

Mijëra palestinezë braktisin vendin mes operacionit ushtarak izraelit në Jenin

Ai tha se 120 palestinezë u ndaluan në kampin e refugjatëve Jenin gjatë operacionit. Ushtria izraelite vlerëson se ka rreth 350 palestinezë të armatosur në kamp.

4 Korrik 2023, 18:13 Nga a.l
Mijëra palestinezë braktisin vendin mes operacionit ushtarak izraelit
Foto ilustruese

IZRAEL- Sipas ushtrisë izraelite të martën, 1500-3000 palestinezë kanë lënë shtëpitë e tyre në kampin e refugjatëve në Jenin në mes të një operacioni të vazhdueshëm ushtarak izraelit në qytet.

Të hënën, ushtria izraelite nisi operacionin e saj më të madh ushtarak në Jenin në më shumë se 20 vjet, duke vrarë të paktën 10 palestinezë dhe duke plagosur më shumë se 100 të tjerë, sipas Ministrisë palestineze të Shëndetësisë. Zëdhënësi ushtarak Daniel Hagari pretendoi se palestinezëve u lejohej të largoheshin nga shtëpitë e tyre në Jenin pa qenë të detyruar ta bënin këtë, shkruajnë mediat e huaja. 

"Kushdo që dëshiron të largohet nga kampi i refugjatëve lejohet," tha Hagari në një deklaratë të cituar nga transmetuesi publik KAN.

Ai tha se 120 palestinezë u ndaluan në kampin e refugjatëve Jenin gjatë operacionit. Ushtria izraelite vlerëson se ka rreth 350 palestinezë të armatosur në kamp.

Operacioni ushtarak izraelit në Jenin erdhi mes tensioneve në rritje në Bregun Perëndimor të pushtuar muajt e fundit dhe bastisjeve të përsëritura izraelite në qytetet palestineze. Gati 190 palestinezë janë vrarë nga forcat izraelite që nga fillimi i këtij viti, sipas Ministrisë së Shëndetësisë. Të paktën 25 izraelitë janë vrarë gjithashtu në sulme të veçanta gjatë së njëjtës periudhë.

izrael

Sondazh

Poll

MË SHUMË