Aktualitet

ZBARDHET dëshmia:Po meditoja! I vuri zjarrin tri herë lokalit të Noizyt, gjykata lë në burg kushëririn e reperit

Gjatë dëshmisë Musteqja ka thënë se ndodhej në zonë pranë lokalit për të medituar dhe ka qenë duke u larguar nga aty, kur është përballur me policinë.

3 Korrik 2023, 13:19 Nga f.i.
ZBARDHET dëshmia:Po meditoja! I vuri zjarrin tri herë lokalit të
Noizy dhe Eraldo Musteqjan

DURRËS- Gjykata e Durrësit ka lënë në burg kushëririn e Rigels Rajkut, reperit të njohur Noizy-it, Eraldo Musteqja, pasi akuzohet se i vuri zjarrin tri herë brenda një muaji pronave të reperit. Ndaj 26-vjeçarit prokuroria e Durrësit ka ngritur dy akuza, atë të shkatërrimit të pronës me zjarr dhe kundërshtimit të punonjësit të policisë së rendit publik, shkruan  Top Channel.

Në sallën e gjyqit, 26-vjeçari nuk ka pohuar, as ka mohuar akuzën për zjarrvënie, ndërsa ka deklaruar se ka reaguar pasi policët kanë ushtruar dhunë ndaj tij. Gjatë dëshmisë Musteqja ka thënë se ndodhej në zonë pranë lokalit për të medituar dhe ka qenë duke u larguar nga aty, kur është përballur me policinë.

Përveç zjarrit të 29 qershorit, Musteqja dyshohet se është autor dhe i dy zjarrvënieve të tjera, njëra më 11 qershor në të njëjtin lokal, i cili u shkrumbua thuajse plotësisht dhe më 10 qershor në derën e shtëpisë së familjes së reperit, Rigels Rajkut.

Pas zjarrit që ra javën e kaluar për herë të dytë në lokalin e tij, reperi deklaroi se kushëriri i tij është besimtar ekstremist dhe kundër alkoolit e muzikës që luhet në lokal. Sipas tij, ky është shkaku i konfliktit mes tyre që çoi në incidentin e ndodhur. 

digjet lokali i noizyt erald musteqja

Sondazh

Poll

MË SHUMË