Politike

"Katër familjarë të nr. 2 të Kuvendit në Prokurorinë e Tiranës"/ Vokshi-Felajt: Duhej të kishit dhënë dorëheqjen

Nga foltorja e Kuvendit, Vokshi tha se është shkelur rendi i ditës në Parlament, pa pasur asnjë rast urgjent, duke futur sot në seancë raportet e institucioneve të pavarura.

3 Korrik 2023, 11:19 Nga m.s
"Katër familjarë të nr. 2 të Kuvendit në
Albana Vokshi

TIRANË- Deputetja e Partisë Demokratike, Albana Vokshi, i kërkoi drejtueses së seancës Ermonela Felaj të jepte dorëheqjen, pas emërimit të katër familjarëve të saj në sistemin gjyqësor. Nga foltorja e Kuvendit, ajo tha se është shkelur rendi i ditës në Parlament, pa pasur asnjë rast urgjent, duke futur sot në seancë raportet e institucioneve të pavarura.

Vokshi: Në ditët e fundit të qershorit është shpërndarë kalendari. Në faqen zyrtare të Parlamentit gjendet ky kalendar që nuk ka lidhje me rendin e ditës, por me urdhrin e Lindita Nikollës. 

Rendi mund të shkelet për çështje urgjente dhe ne nuk kemi asnjë urgjencë. Nëse është urgjente se e mbyllët me urdhër të Ramës, jo nuk përbën çështje për të shkelur rregulloren. Rendi i ditës së sotme ka disa shkelje. Në fakt nuk pres nga ju znj Felaj që të respektoni rregulloren, pasi ju nuk duhet të ishit sot aty, do ishte në nderin tuaj të kishit dhënë dorëheqje për ndërhyrje në Reformën në Drejtësi apo institucione. Ju znj Felaj duhej të kishit dhënë dorëheqjen, pas skandalit të emërimit të…

Felaj: Znj Vokshi ju mbaroi minutazhi.

Vokshi: Më lini të flas, ashtu siç latë dhe Ballën 3 minuta shtesë.

Sondazh

Poll