Aktualitet

'Tenderi nuk është shpallur asnjëherë'/ Safet Gjici ankimon masën e sigurisë, avokatët: S'ka shkelur ligjin

Avokati mbrojtës i Gjicit ka ankimuar masën e arrestit në gjykatën e apelit me argumentin se tenderi që flitet në video nuk është shpallur asnjëherë nga Bashkia e Kukësit dhe se klienti i tij nuk ka kryer asnjë shkelje të ligjit.

1 Korrik 2023, 10:17 Nga A.B
'Tenderi nuk është shpallur asnjëherë'/ Safet
Safet Gjici

TIRANË- Safet Gjici i arrestuar për akuzën e korrupsionit pasiv të funksionarëve vendorë, ka ankimuar masën e arrestit me burg. Gjici i është drejtuar Apelit nëpërmjet avokatëve të tij, për prishje të vendimit të shkallës së parë.

Avokati mbrojtës i Gjicit ka ankimuar masën e arrestit në gjykatën e apelit me argumentin se tenderi që flitet në video nuk është shpallur asnjëherë nga Bashkia e Kukësit dhe se klienti i tij nuk ka kryer asnjë shkelje të ligjit.

Pritet që të hidhet shorti për caktimin e një gjyqtari, e më pas të caktohet një datë për shqyrtimin e kërkesës.

Safet Gjici u arrestua më 24 qershor me akuzën e korrupsionit pasiv, ndërsa pretendoi se nuk ka shkelur ligjin, por ra pre e një kurthi të ngritur nga ata që nuk e duan. Pas arrestimit të tij në lidhje me video skandalin  ku ai shihet teksa kryen marrëdhënie seksuale me një vajzë në ambientet e zyrës së bashkisë, SPAK po kryen veprime hetimore për të parë nëse ka persona te tjerë që e kanë ndihmuar Alma Kaçin për të realizuar videon./Dosja.al

safet gjici

Sondazh

Poll

MË SHUMË