Aktualitet

U kap me armë zjarri në një lokal në Sukth, arrestohet 34-vjeçari (EMRI)

I riu, 34 vjeç, u arrestua në një lokal në lagjen ‘Perimore’ në Sukth, teksa mbante me vete një armë zjarri pistoletë, e cila iu sekuestrua në cilësinë e provës materiale.

30 Qershor 2023, 11:44 Nga k.m.
U kap me armë zjarri në një lokal në Sukth, arrestohet
Pamje nga operacioni

DURRËS- Bojken Suli është arrestuar nga Policia e Durrësit pasi është kapur më armë pistoletë pa leje. I riu, 34 vjeç, u arrestua në një lokal në lagjen ‘Perimore’ në Sukth, teksa mbante me vete një armë zjarri pistoletë, e cila iu sekuestrua në cilësinë e provës materiale.

NJOFTIMI I PLOTË:

Sukth, Durrës/Finalizohet falë inteligjencës policore, operacioni i koduar “Klienti”, sekuestrohet 1 pistoletë. I pajisur me armë zjarri, teksa qendronte në një lokal në Sukth, kapet në flagrancë dhe arrestohet 34-vjeçari. Falë informacioneve të siguruara nga inteligjenca policore, si dhe në kuadër të monitorimit të vazhdueshëm të situatës në nivel qarku, me qëllim parandalimin dhe goditjen e paligjshmërive, shërbimet operacionale dhe ato të Forcës së Posacme "Shqiponja" të Drejtorisë Vendore të Policisë Durrës, kanë organizuar dhe finalizuar operacionin policor të koduar “Klienti”, në kuadër të të cilit u godit një rast i mbajtjes pa leje të armëve të zjarrit.

Për këtë rast u arrestua shtetasi B. S., 34 vjeç, banues në Kuçovë. 34-vjeçari u kap në flagrancë, në një lokal në lagjen “Perimore”, Sukth, teksa mbante me vete një armë zjarri pistoletë, e cila iu sekuestrua në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë, të Juridiksionit të Përgjithshëm Durrës, për veprime të mëtejshme.

bojken suli operacioni klienti

Sondazh

Poll

MË SHUMË