Aktualitet

Sarandë, transportonte 33 emigrantë të paligjshëm me kamion, në pranga Erxhi Sulo

Prangosja e tij është bërë në kuadër të kuadër të operacionit "Border10". 

29 Qershor 2023, 13:11 Nga k.m.
Sarandë, transportonte 33 emigrantë të paligjshëm me kamion,
Pamje nga aksioni

SARANDË- Një 28-vjeçar nga Lushnja, i identifikuar si Erxhi Sulo është vënë në prangat e Policisë së Shtetit në Sarandë, teksa transportonte 33 emigrantë të paligjshëm me kamion. Prangosja e tij është bërë në kuadër të kuadër të operacionit "Border10". 

NJOFTIMI I PLOTË:

Sarandë/Vijojnë operacionet për goditjen e veprimtarinë kriminale të dhënies ndihmë për kalim të paligjshëm të kufirit. Finalizohet operacioni policor i koduar “Border 10”, i zhvilluar nga Komisariati i Policisë Sarandë. Transportonte me një kamionçinë, kundrejt pagesës, 33 emigrantë, që do të kalonin ilegalisht në vendet e BE-së, vihet në pranga 38-vjeçari. Sekuestrohet automjeti me të cilin transportoheshin emigrantët.

Shërbimet e Komisariatit të Policisë Sarandë, në vijim të operacioneve me fokus parandalimin, evidentimin dhe goditjen e dhënies ndihmë emigrantëve nga vendet e treta, kundrejt pagesave, për të kaluar ilegalisht kufirin, bazuar dhe në infomacionet e siguruara nga inteligjenca informative, kanë finalizuar operacionin policor të koduar “Border 10”, për goditjen e një tjetër rasti të kësaj veprimtarie të kundërligjshme.

Si rezultat i këtij operacioni u arrestua shtetasi E. S., 28 vjeç, banues në Lushnjë. Ky shtetas u kap në flagrancë gjatë operacionit, nga shërbimet e Komisariatit të Policisë Sarandë, në vendin e quajtur Ura e Çukës, Sarandë, duke transportuar me një automjet tip kamionçinë, kundrejt pagesës, 33 emigrantë, që do të kalonin ilegalisht në vendet e BE-së.

Automjeti u sekuestrua në cilësinë e provës materiale. Materialet procedurale i kaluan Prokurorisë pranë Gjykatës së Rrethit Gjyqësor Sarandë, për veprime të mëtejshme, për veprën penale “Ndihma për kalim të paligjshëm të kufijve”.

operacioni border 10 enxhi sulo

Sondazh

Poll

MË SHUMË