Bota

Lukashenko zbardh bisedën me kreun e Wagner: Prigozhin vetëm bërtiste dhe shante

Sipas deklaratës së Lukashenkos, ai foli me Putinin në telefon në orën 10:00 të mëngjesit me orën lokale të së shtunës në mëngjes për krizën në rritje në jug të Rusisë.

27 Qershor 2023, 17:32 Nga I.A
Lukashenko zbardh bisedën me kreun e Wagner: Prigozhin vetëm
Aleksander Lukashenko

BJELLORUSI- Presidenti i Bjellorusisë, Aleksander Lukashenko ka zbardhur detaje nga bisedimet e zhvilluara me presidentin rus Vladimir Putin dhe liderin e Wagner, Yevgeny Prigozhin, pas pretendimeve se pati një rol të rëndësishëm në ndalimin e rebelimit të së shtunës. Sipas deklaratës së Lukashenkos, ai foli me Putinin në telefon në orën 10:00 të mëngjesit me orën lokale të së shtunës në mëngjes për krizën në rritje në jug të Rusisë.

“Gjëja më e rrezikshme, siç e kuptoj unë, nuk është se si ishte situata, por si mund të rridhnin ngjarjet dhe pasojat e saj. Kuptova gjithashtu se Kremlini kishte marrë një vendim të ashpër, të shkatërronte Wagner. I sugjerova Putinit të mos nxitonte. Le të flasim me Prigozhin, me komandantët e tij”, tha Lukashenko.

Në orën 11 të mëngjesit me orën lokale, Lukashenko tha se telefonoi themeluesin e Wagner, Prigozhin, i cili e priti menjëherë telefonatën dhe dukej euforik.

“Ne folëm për raundin e parë prej 30 minutash në një gjuhë të ashpër që përfshinte edhe të shara. Fjalë për fjalë. Kishte 10 herë më shumë fjalë sharje, i analizova më vonë, sesa fjalori normal. Sigurisht, ai kërkoi falje paraprakisht dhe filloi të më tregonte gjithçka duke përdorur këto fjalë të turpshme”, tha Lukashenko.

aleksander lukashenko yevgeny prigozhin lufta ukraine-rusi

Sondazh

Poll

MË SHUMË