Politike

'Gjykata urdhëroi kontrollin'/ Trazirat në kampin e MEK, Çuçi: I papranueshëm reagimi i anëtarëve të organizatës MEK ndaj policisë

Ai tha se i vjen keq për ngjarjen që ndodhi pasi shteti ynë i ka ofruar mbrojtje dhe strehim. 

20 Qershor 2023, 17:19 Nga A.B
'Gjykata urdhëroi kontrollin'/ Trazirat në kampin e MEK,
Bledi Cuci

TIRANË- Ministri i Brendshëm Bledi Çuçi u shpreh përballë gazetarëve se është i papranueshëm reagimi i anëtarëve të organizatës MEK ndaj forcave të policisë. Ai tha se Shqipëria i ka ofruar atyre strehim me qëllim humanitar sipas marrëveshjes. Po ashtu, ai shton se i vjen keq për ngjarjen që ndodhi pasi shteti ynë i ka ofruar mbrojtje dhe strehim. 

'Për të sqaruar disa aspekte në kontrollin që është ushtruar sot në MEK. Dua t’iu them që ndihem i keq ardhur edhe madje i indinjuar me reagimin e anëtarëve të organizatës MEK ndaj policisë së shtetit gjatë aksionit. Ndihem i keqardhur se Shqipëria u ka ofruar gjithçka që lidhet me strehimin e tyre për qëllim humanitar sipas marrëveshjes. Iu ka ofruar ndihmë, siguri, madhe iu ka ofruar edhe mbrojtje ndaj kërcënimeve që vinin nga shërbimet sekrete të Iranit. Ata për më shumë se 3 mijë ditë kanë jetuar në siguri të plotë në garancinë tonë. E paimagjinueshme dhuna dhe reagimi që kanë bërë ndaj Policisë së Shtetit'- tha Çuçi.

bledi cuci

Sondazh

Poll

MË SHUMË