Politike

Zgjedhjet për kryetar të PD së vulës, Kryesia ndan anëtarët nëpër degë

 Në Elbasan është përfshirë deputeti Gazment Bardhi, Dashnor Sula dhe Lefter Gështenja, edhe pse të gjithë votuan kundër kundër mbajtjes së zgjedhjeve më 29 korrik.

18 Qershor 2023, 21:30 Nga k.m.
Zgjedhjet për kryetar të PD së vulës, Kryesia ndan
Pamje nga mbledhja

TIRANË- Kryesia e Partisë Demokratike së vulës ka miratuar grupet e punës për të evidentuar anëtarësinë, në kuadër të zgjedhjeve për kryetar që do të mbahen me 29 korrik.

Përveç emrave që votuan pro mbajtjes së zgjedhjeve për kryetar në fund të muajit korrik, më datë 29,  në listë shihen se janë përfshirë edhe ata deputetë të cilët kundërshtuan vendimin e Kryesisë, e që më pas në media pretenduan se ishin sulmuar verbalisht nga mbështetësit e ish-kryedemokratit Lulzim Basha. Në Elbasan është përfshirë deputeti Gazment Bardhi, Dashnor Sula dhe Lefter Gështenja, edhe pse të gjithë votuan kundër kundër mbajtjes së zgjedhjeve më 29 korrik.

Zgjedhjet për kryetar të PD së vulës, Kryesia ndan

Por gjithashtu emri që spikat është edhe i Flutura Açkës, kjo e fundit ishte pro mbajtjes së zgjedhjeve për kryetar përpara atyre nëpër degë. Me shpalljen e zgjedhjeve pa mbledhur Këshillin Kombëtar, sipas Bardhit, Kryesia ka shkelur Statutin me vendimin për t’u dhënë kryetarëve të degëve zgjatimin e mandatit të tyre dhe zëvendësimin në degët që ka mungesa.

Sipas Statutit, të cilit i referohet edhe Bardhi, këtë të drejtë e kanë vetëm Sekretari i Degës, Kryesia e Degës dhe Sekretari i Përgjithshëm. Pra ai vetë, si Sekretar i Përgjithshëm i PD së vulës. Megjithatë reagimi i tij duket se ka përfunduar në "vesh të shurdhër" dhe ende nuk ka asnjë reagim. Por edhe vetë ai ende nuk e ka një përgjigje për kryedemokratin Sali Berisha, i cili prej ditës publikisht nga selia blu i ka zgjatur dorën për bashkëpunim dhe bashkim të 2 PD-ve. Megjithatë edhe Berisha ka një kusht, bashkimi nuk mund të ndodhë edhe me Enkelejd Alibeaj dhe Lulzim Bashën. 

zgjedhjet e reja ne pd

Sondazh

Poll