Sport

Sauditët shikojnë Paolo Maldinin, si mundësi për postin e drejtorit sportiv të Al Ahlit

Vetëm disa ditë pas ndarjes me AC Milan, Paolo Maldini thuhet se është në listën e ngushtë të Al Ahlit për postin e drejtorit sportiv.

17 Qershor 2023, 12:20 Nga DOSJA

Sauditët shikojnë Paolo Maldinin, si mundësi për postin e

ARABIA SAUDITE - Paolo Maldini ka bërë një punë të shkëlqyer te Milan në vitet e fundit si drejtor teknik dhe ka ndihmuar klubin e tij të dashur të kthehet në majën e Italisë dhe të bëhet sërish një forcë për t'u llogaritur në Evropë.

Por duket se kjo nuk ishte e mjaftueshme për t'i rinovuar kontratën dhe vazhduar betimet e tij të dashurisë me kuqezinjtë edhe në sezonin e ri.

Në vend të kësaj, drejtuesit e klubit vendosën të bëjnë një ndryshim dhe t'i tregojnë derën e daljes, si legjendës së gjallë të skuadrës ashtu edhe Massaras, me vendimin specifik të marrë pas mosmarrëveshjeve mes dy palëve, duke shkaktuar reagime të forta në pjesën më të madhe të tribunës.

Megjithatë, një njeri me prestigj dhe histori si Maldini nuk ka gjasa të qëndrojë gjatë në fondin e papunësisë dhe këtë e tregon qartë raporti i orëve të fundit në Itali, në të cilët thuhet se ish-kapiteni i kuqezinjve është në sytë e Al Ahlit.

Në veçanti, sipas një raportimi të “AlkassChannel”, Maldini është ndër emrat që janë lart në listën e skuadrës së Arabisë Saudite për postin e drejtorit sportive, madje thuhet edhe se tashmë janë bërë diskutimet e para.

Sauditët shikojnë Paolo Maldinin, si mundësi për postin e

Duhet thenë se Al Ahli ka qenë fort në qendër të vëmendjes ditët e fundit, ku presidenti i tij ka udhëtuar drejt Londrës dhe ka një takim me Jose Mourinhon për ta bindur për të nënshkruar, por pa arritur të marrë “Po”-në e lakmuar nga “Special One”.

B.T (Dosja.al)

Sondazh

Poll

MË SHUMË