Sport

Euro U-17 për vajza / Shqipëria njeh rivalet. FSHF, mikpritëse e ndeshjeve të Grupit B4...

Pas konsultimeve mes skuadrave dhe UEFA-s, u ra dakord që të gjitha ndeshjet e këtij grupi të organizohen në Shqipëri, në datat 21, 24 dhe 27 nëntor.

16 Qershor 2023, 14:59 Nga DOSJA
Euro U-17 për vajza / Shqipëria njeh rivalet. FSHF, mikpritëse e

TIRANE - Është hedhur këtë të premte në selinë e UEFA-s në Nion të Zvicrës shorti për eliminatoret e Kampionatit Europian U-17 për vajza për edicionin 2023-2024.

Shorti e vendosi Shqipërinë, që drejtohet nga trajneri Agustin Kola, në Grupin B4 të Ligës B, së bashku me Ishujt Faroe, Uellsin dhe Kazakistanin.

Pas konsultimeve mes skuadrave dhe UEFA-s, u ra dakord që të gjitha ndeshjet e këtij grupi të organizohen në Shqipëri në datat 21, 24 dhe 27 nëntor.

Përfaqësuesja shqiptare U-17 për vajza, merr pjesë në këtë edicion të Europianit në Ligën B, ku do të garojë për të siguruar ngjitjen në Ligën A.

Trajneri Kola ka në dispozicion një grup të mirë dhe shumë të talentuar vajzash, të cilat synojnë kualifikimin në kampionatin e ardhshëm europian për këtë grupmoshë, bën me dije zyra e shtypit në FSHF.

B.T (Dosja.al)

Sondazh

Poll

MË SHUMË