Politike

Orban: Të përshpejtohet procesi i integrimit të Shqipërisë! Evropa do paguajë çmim të lartë nëse nuk anëtarësohet Ballkani Perëndimor

Kryeministri i Hungarisë, Viktor Orban, në një konferencë të përbashkët me kryeministrin Edi Rama, apeloi që të përshpejtohet procesi i anëtarësimit të Ballkanit Perëndimor në BE.

16 Qershor 2023, 11:44 Nga DOSJA
Orban: Të përshpejtohet procesi i integrimit të
Viktor Orbán

TIRANË- Kryeministri i Hungarisë, Viktor Orban, në një konferencë të përbashkët me homologun Edi Rama, apeloi që të përshpejtohet procesi i anëtarësimit të Ballkanit Perëndimor në BE. Sipas Orban, Perëndimi do të paguajë një çmim të lartë nëse nuk anëtarësohen vendet e Ballkanit Perëndimor sa më shpejtë.

Ai theksoi se Hungaria do të mbështesë gjithmonë anëtarësimin e Shqipërisë dhe integrimin e Ballkanit Perëndimor në Bashkimin Europian.

“Zgjerimi i BE-së është diçka pozitive. Kjo është një luftë politike e vazhdueshme, nuk është diçka që e mendova sot dhe nesër do e realizoj. Nuk mund të ulemi duarkryq dhe të presim, por duhet punuar për këtë. Ne jemi të interesuar që Shqipëria të anëtarësohet në BE. Shqipëria ka nevojë për një përshpejtim. Gjithmonë i kam mbështetur iniciativat që ka bërë z. Rama. Është diçka shumë logjike dhe thjeshtë të gjitha ato kohezione që arrijnë, flitet për shumat që arrijnë nga Europa në Shqipëri apo në Hungari, të arrijnë në atë nivel ato vende që janë anëtarësuar në BE. Të mos presim formalizimin e anëtarësimit. Ne e kemi përgëzuar shumë projektin e Ballkanit të Hapur sepse edhe për sa i përket zgjerimit të Shengenit nuk duhet të pritet të formalizohet, për të lehtësuar veprimtarinë e një vendi që synon të futet në këtë hapsëri, Hungaria do të mbështesë të gjitha këto iniciativa. Evropa nuk është në një gjëndje të mirë sot, do paguajmë një çmim të lartë nëse nuk do të anëtarësohen vendet e Ballkanit”.

Sondazh

Poll

MË SHUMË