Sport

Mbappe ‘çështje’ shtetërore! Macron: "Do përpiqem ta bind atë të qëndrojë në Paris"

Presidenti francez Emmanuel Macron mban marrëdhënie të shkëlqyera me Kylian Mbappe

14 Qershor 2023, 19:27 Nga DOSJA

FRANCE - Emmanuel Macron luajti një rol të madh në rinovimin e kontratës së Kylian Mbappe me Paris Saint-Germain deri në vitin 2022, kur francezi ishte afër nënshkrimit me Real Madridin.

Presidenti i Francës ruan raporte të shkëlqyera me “yllin” e “tricolorëve” dhe të gjithë presin ndërmjetësimin e tij, në mënyrë që Mbappe të ndryshojë mendje dhe të bindet të qëndrojë në Paris edhe pas 2024-ës.

Pak orë më parë, Emmanuel Macron ishte në një miting në Francë, teksa një tifoz i veshur me fanelën e kombëtares franceze iu afrua për ta pyetur për rastin Mbappe.

Mbappe ‘çështje’ shtetërore! Macron: "Do

"A e dini nëse Kylian do të qëndrojë?"- pyeti fansi, ndërkohë që Macron iu përgjigj: “Nuk kam informacion, por do të përpiqem të shtyj që ai të qëndrojë”.

Kujtojmë se Mbappe ka njoftuar Parisin se nuk do të vazhdojë me ekipin përtej 2024-ës dhe ndezi... zjarre. Nëse ai do të qëndrojë në skuadrën e Parisit në sezonin e ri, do të jetë i lirë të negociojë dhe madje pa marrë para Parisit për transferimin e tij në një ekip të ri.

Në Paris po mendojnë ta shesin që tani, nëse ai nuk ndryshon mendje dhe dëshiron të largohet verën e ardhshme dhe “L’Equipe” tashmë ka shkruar se Real Madridi mund të japë deri në 200 milionë euro për ta bërë të tyren, ndërsa në lojë mund të hyjë edhe në Manchester United.

B.T (Dosja.al)