Bota

“Ata thonë se jam i lashtë”, Biden bën shaka për moshën e tij në darkën e gazetarëve në Shtëpinë e Bardhë, ja batuta

Biden filloi të argëtohej me gazetarët duke parashikuar titujt e mediave në lidhje me rëndësinë e  moshës së tij. Madje ai shprehu se si shikohet ajo në këndvështrime të ndryshme nga secili.

30 Prill 2023, 12:40 Nga f.i
“Ata thonë se jam i lashtë”, Biden bën shaka për
Joe Biden

SHBA- Presidenti amerikan Joe Biden ka bërë batutën e rradhës në një darkë vjetore shtypi, e cila u mbajt në Shtëpinë e Bardhë. BBC shkruan se Biden gjatë fjalimit se manjati 92-vjeçar Rupert Murdoch e bëri atë të dukej si këngëtari Harry Styles dhe bëri shaka se ishte mik me një nga baballarët themelues të SHBA-së, James Madison.

Biden, në moshën 80-vjeçare, ka njoftuar se planifikon të kandidojë për rizgjedhje dhe sulmoi kritikët që mendojnë se ai është shumë i vjetër për ta bërë këtë. Presidenti filloi të argëtohej me gazetarët duke parashikuar titujt e mediave në lidhje me rëndësinë e  moshës së tij. Madje ai shprehu se si shikohet ajo në këndvështrime të ndryshme nga secili.

“Unë besoj në amendamentin e parë, jo vetëm sepse miku im i mirë Jimmy Madison e shkroi atë”,- tha ai, duke iu referuar një prej baballarëve themelues të Amerikës, i cili vdiq në 1836.

“Shiko, e kuptoj që mosha është një çështje krejtësisht e arsyeshme. Është në mendjen e të gjithëve dhe me të gjithë, dua të them New York Times. Titulli: “Mosha e avancuar e Biden është një çështje e madhe. Megjithatë, ajo e Trump nuk është”.

“Ata thonë se jam i lashtë. Unë them se jam i mençur. Ata thonë se jam mbi kodër, Don Lemon do të thoshte: “Ky është një burrë në kulmin e tij”,-ishte batuta ku gazetarët qeshën me presidentin.

Në darkë përveç politikanëve, duke përfshirë zëvendëspresidenten Kamala Harris ndodheshin edhe të famshëm si aktori Liev Schreiber dhe këngëtari John Legend dhe gruaja e tij, Chrissy Teigen, një modele dhe personalitet televiziv.

joe biden

Sondazh

Poll

MË SHUMË