Bota

Forcat ukrainase sulmojnë rajonin rus, dy persona humbin jetën

Alexandër Bogomaz shpjegoi se një ndërtesë banimi është shkatërruar plotësisht dhe dy shtëpi të tjera janë dëmtuar rëndë, duke lënë të plagosur edhe një person tjetër

30 Prill 2023, 10:33 Nga f.i
Forcat ukrainase sulmojnë rajonin rus, dy persona humbin jetën
foto ilustruese

UKRAINË- Forcat e armatosura ukrainase kanë bombarduar rajonin Bryansk të Rusisë duke shkaktuar dy të vdekur. Lajmin e bëri të ditur guvernatori Alexandër Bogomaz i cili shpjegoi se një ndërtesë banimi është shkatërruar plotësisht dhe dy shtëpi të tjera janë dëmtuar rëndë, duke lënë të plagosur edhe një person tjetër, shkruajnë mediat e huaja.

"Forcat e Armatosura të Ukrainës kanë sulmuar fshatin Suzemka. Ka dy viktima. Si pasojë e goditjes ka rënë zjarr dhe është shkatërruar pjesërisht një objekt banimi. Të gjitha shërbimet po punojnë në vendngjarje”, tha Bogomaz.

Rajoni Bryansk ndodhet në perëndim të Rusisë dhe kufizohet me rajonet Sumy dhe Chernihiv të Ukrainës.

lufta ne ukraine

Sondazh

Poll