Bota

Kosova dhe Italia nënshkruajnë marrëveshje për fushën e mjekësisë ushtarake

Nënshkrimi i kësaj marrëveshje ka për qellim zgjerimin e bashkëpunimi bilateral mes dy ushtrive në fushën e shërbimeve ushtarake mjekësore dhe se do të jetë çelës i hapjes së dyerve në dimensione të ndryshme mjekësore ushtarake.

29 Prill 2023, 18:33 Nga f.i
Kosova dhe Italia nënshkruajnë marrëveshje për fushën e
nenshkrimi i marreveshjes

ITALI- Zëvendëskomandanti i FSK-së, gjeneral major Enver Cikaçi ka nënshkruar marrëveshjen teknike në fushën e mjekësisë ushtarake, në Romë të Italisë. Sipas Kosovapress, marrëveshja është bërë me autorizimin e ministrit të Mbrojtjes, Armend Mehaj. 

“Nënshkrimi i kësaj marrëveshje ka për qellim zgjerimin e bashkëpunimi bilateral mes dy ushtrive në fushën e shërbimeve ushtarake mjekësore dhe se do të jetë çelës i hapjes së dyerve në dimensione të ndryshme mjekësore ushtarake. Gjate kësaj ceremonie, krahas agjendës nga pala italiane delegacioni ynë ka vizituar edhe Institutin e Mjekësisë Ajrore Ushtarake. Në këtë Institut Gjeneral Cikaqi u mirëprit nga Gjeneral Brigade Fabio Morgagni Drejtor i Institutit për Shërbime Mjekësore të Aviacionit. Përveç takimit, stafi i këtij instituti në krye me Gjeneral Morgagnin kishin përgatit një prezantim të përgjithshëm te të gjitha kapaciteteve që ofrojnë përmes vizitave në laboratorët dhe hapësirat e ndryshme brenda objektit të këtij instituti”, -thuhet në njofitm.

Gjeneral Cikaçi dhe delegacioni i tij falenderuan palën italiane për zgjerimin e bashkëpunimit bilateral në të gjitha fushat, me theks të veçantë për hapjen e mundësive në Fushën e Mjekësisë Ushtarake.

marresveshja kosove-itali armend mehaj

Sondazh

Poll

MË SHUMË