Bota

Vrasja e gazetarit investigativ grek/ Dy të arrestuarve iu lihet afat për të kërkuar falje, avokatët: Rast labirint

Në seancën e zhvilluar ditën e sotme në gjykatën e Evelpidonit, të pranishëm ishin edhe avokatët e Karaivaz, Spyros Haritatos dhe Roi Pavlea, sipas të cilëve ky është një rast labirint dhe nuk mund të kufizohet me arrestimin e dy personave. 

29 Prill 2023, 13:08 Nga f.i
Vrasja e gazetarit investigativ grek/ Dy të arrestuarve iu lihet afat
Giorgos Karaivaz

GREQI- Dy vëllezërit 40 dhe 48 vjeç të arrestuar nga Policia greke për rastin e vrasjes së gazetarit, Giorgos Karaivaz u është lanë afat për të kërkuar falje deri në datën 3 maj. Mediat greke raportojnë se dy vëllezërve iu vendos masa paraburgim i përkohshëm.

Në seancën e zhvilluar ditën e sotme në gjykatën e Evelpidonit, të pranishëm ishin edhe avokatët e Karaivaz, Spyros Haritatos dhe Roi Pavlea, sipas të cilëve ky është një rast labirint dhe nuk mund të kufizohet me arrestimin e dy personave. 

“Kemi dy vite që e presim këtë zhvillim. Së shpejti do të kemi më shumë zhvillime dhe do të arrijmë te autori”,- tha Roi Pavlea.

“Ky është një rast labirint i cili nuk mund të kufizohet në dy persona dhe as në tre, shumë shpejt do të ketë prova shtesë në dispozicion të policisë dhe prokurorit hetues për të arritur në rrethin e personave të përfshirë në vrasjen e të ndjerit Giorgos Karaivaz. ... Nuk është një kohë e lehtë për askënd. Kemi durim, por duam zbardhjen e plotë të rastit”,- ka theksuar Spyros Haritatos.

Giorgos Karaivaz, u vra mesditën e 9 prillit 2021, jashtë shtëpisë së tij në Alimos. Gazetari sapo ishte kthyer nga televizioni Star në Kifisia, ku punonte, kur dy vrasësit e qëlluan për vdekje pasi parkoi makinën pranë një parku të vogël. Një nga dy burrat qëlloi gazetarin nga një distancë e afërt të paktën 13 herë, duke i marrë jetën në vend.

giorgos karaivaz

Sondazh

Poll

MË SHUMË