Bota

Mbyllet termocentrali më i vjetër me qymyr i Australisë

Stacioni i energjisë Liddell, tre orë me makinë në veri të Sidneit, ishte një nga një seri termocentralesh të vjetruara me qymyr, që ishin planifikuar të mbylleshin në vitet e ardhshme. 

28 Prill 2023, 17:23 Nga a.l
Mbyllet termocentrali më i vjetër me qymyr i Australisë
Foto ilustruese

AUSTRALI- Mbyllet termocentrali më i vjetër me qymyr i Australisë. Stacioni i energjisë Liddell, tre orë me makinë në veri të Sidneit, ishte një nga një seri termocentralesh të vjetruara me qymyr, që ishin planifikuar të mbylleshin në vitet e ardhshme. 

E ndërtuar në vitin 1971, Liddell siguronte rreth 10 për qind të energjisë elektrike të përdorur në Uellsin e Ri Jugor, shtetin më të populluar të Australisë. Pronari i Liddell, AGL tha të Premten se do të duheshin rreth dy vjet për të prishur objektin e madh, i cili do t'i hapë rrugë projekteve të reja të energjisë së pastër, si një termocentral hidrogjeni, shkruajnë mediat e huaja.

“Më shumë se 90 për qind e materialeve në termocentralin do të riciklohen, duke përfshirë 70,000 ton çelik – që është më shumë çelik se sa ka në urën e portit të Sydney”, tha kompania.

Për dekada, qymyri ka siguruar pjesën më të madhe të energjisë elektrike të Australisë, por eksperti i energjisë së rinovueshme të Universitetit të Uellsit të Ri Jugor, Mark Diesendorf, u shpreh se stacione të tilla si Liddell po bëheshin grupe jo të besueshme. 

termocentrali ne australi

Sondazh

Poll

MË SHUMË