Politike

Belind Këlliçi u përgjigjet kritikëve për posterin me gishtat e mesit: Pres reagime edhe për drejtorin e Veliajt që mori 25 mln euro

Belind Këlliçi thotë se ata që u shqetësuan ndaj luftës pa etikë të tij ndaj korrupsionit, është mirë që të jenë po aq të zellshëm ndaj denoncimit të tij të bërë sot, ku sipas tij një drejtor i Veliaj u kushton qytetarëve të Tiranës 25 mln euro.

26 Prill 2023, 22:41 Nga k.m.
Belind Këlliçi u përgjigjet kritikëve për posterin me
Belind Këlliçi

TIRANË- Posteri i Belind Këlliçit me gishtat e mesit lart ka shkaktuar shumë reagime dje në rrjetet sociale, e sot shpjegimi vjen vetë nga kandidati i koalicionit të opozitës "Bashkë fitojmë". I ftuar në "Ora e Betit", Belind Këlliçi thotë se ata që u shqetësuan ndaj luftës pa etikë të tij ndaj korrupsionit, është mirë që të jenë po aq të zellshëm ndaj denoncimit të tij të bërë sot, ku sipas tij një drejtor i Veliaj u kushton qytetarëve të Tiranës 25 milionë euro.

"Pasi bëra një denoncim ende jam në pritje të reagimeve të këtyre që ishin shqetësuar, shoqatave, urdhrit të psikologut, personazheve publike që kanë profile fake që keqpërdorin komunitetet fetare, ish-ambasadorëve shqiptarë në Amerikë të diskretituar nga SHBA se kanë vjedhur fondet e rindërtimit të godinave të Ambasadës, ku janë këta në lidhje me Mariglen Qaton që na kushton 25 mln euro. Vetëm një drejtor i Erion Veliaj na kushton 25 mln euro. Ku janë këta? Se i shoh shumë të qetë. Këta që u shqetësuan nga lufta ime pa etikë ndaj korrupsionit.Ku janë? Jam në pritje të reagimeve të tyre,"-tha Belind Këlliçi.

belind këlliçi

Sondazh

Poll

MË SHUMË