Aktualitet

S'ndaluan dot të dyshuarit gjatë aksionit me skuadrën “Shqiponja”! Fetie Kasaj jep dorëheqjen nga posti i inspektores në Policinë e Vlorës

Kasaj ka vendosur të braktisë institucionin e rendit duke paraqitur dorëheqjen pranë Drejtorisë së Policisë ku ka shërbyer për disa vite me radhë.

26 Prill 2023, 16:31 Nga A.B

S'ndaluan dot të dyshuarit gjatë aksionit me skuadrën
Fetie Kasa

TIRANË- Fetie Kasaj, inspektorja e skuadrës 'Shqiponja' në Drejtorinë e Policisë së Vlorës, ka dhënë dorëheqjen. Gazetari Elton Qyno raporton për 'Ora News', se Kasa ka vendosur të largohet nga institucioni i rendit duke paraqitur dorëheqjen pranë Drejtorisë së Policisë ku ka shërbyer për disa vite me radhë.

Dorëheqja e rekordmenes për femra e peshëngritjes Shqiptare, është miratuar. Ish-nën/kampionia e Botës dhe nën/kampione Evropë në shtangë, Fetia Kasaj, shërbente pranë skuadrës “Shqiponja” në Vlorë.

Po përse ka dhënë dorëheqjen?

Fetie Kasaj mësohet se ka qënë e përfshirë në një ngjarje në datën 23 shkurt 2023. Disa personazhe, të njohur si kontigjent kriminal, nuk i janë bindur urdhrit të “Shqiponjave” duke çarë rrethimin, e tyre dhe janë larguar.

Ngjarja ka ndodhur në lagjen “Pavarësia” në Vlorë, ku shërbimet e policisë i kanë bërë shenjë ndalimi një automjeti tip “Toyota”, pasi kishin dyshime se me të qarkullonin, shtetas me precedent kriminal që mund të mbanin sende të kundërligjshme. Drejtuesi i automjetit, nuk i është bindur urdhrit për të ndaluar dhe është larguar me shpejtësi me automjet, bashkë me pasagjerët, duke rrezikuar jetën e punonjësve të policisë.  

Pas kësaj situate, disa ditë më vonë nga ndodhja e kësaj situate, Fetie Kasaj, ka paraqitur dorëheqjen duke u larguar nga radhët e Policisë së Shtetit./Dosja.al

fetie kasaj

Sondazh

Poll

MË SHUMË