Politike

Jo vetëm 'gishtat e mesit', Këlliçi jep mesazhin tjetër në posterat e radhës: Duart e Belos do ulin koston e jetesës

Këtë radhë, duart e Këlliçit janë të bashkuara

26 Prill 2023, 11:48 Nga F.M
Jo vetëm 'gishtat e mesit', Këlliçi jep mesazhin
Posterat e Belind Këlliçit

TIRANË- Belind Këlliçi, kandidati i koalicionit ‘Bashkë Fitojmë’ për Bashkinë e Tiranës ka nisur shpërndarjen e posterave të tjerë, pa hequr ato që hapën debate për gishtat e mesit.

Edhe këtë herë, fokusi i posterit të Këlliçit kanë qenë duart, por jo në të njëjtën formë. Këtë radhë, duart e Këlliçit janë të bashkuara, ndërsa mbi foto shkruhet: Duart e Belos do të ulin koston e jetesës në Tiranë. Nuk të duhet fytyra e tij, por vullneti që ka!

“Kështu i përgjigjet Belo korrupsionit”, shkruhej në posterin e djeshëm ku Këlliçi shfaqej me gishtat e mesit të ngritur. Ky poster u kritikua mjaft nga maxhoranca që e kosnideronin në turp mënyrën se si i zgjedhuri i kryedemokratit Sali Berisha dhe kreut të Partisë së Lirisë, Ilir Meta, kishte zgjedhur tu prezantohej qytetarëve. Edhe sot, kryeministri Edi Rama e komentoi dhe tha se posterat ishin një turp.

belind kellici fushata 2023 zgjedhjet lokale 14 maj 2023 zgjedhjet vendore 14 maj 2023

Sondazh

Poll

MË SHUMË