Politike

Alibeaj akuza për koalicionin, Meta: S’i vë faj, se s’ka kandidatë të tij që të merret

Ilir Meta tha se ka një arsye pse retorika e tij është përqendruar në sulmet mes Sali Berishës dhe Ilir Metës dhe jo tek kryeministri Edi Rama.

25 Prill 2023, 22:46 Nga k.m.
Alibeaj akuza për koalicionin, Meta: S’i vë faj, se s’ka
Ilir Meta

TIRANË- Kreu i Partisë së Lirisë Ilir Meta pas tryezës me qytetarët në Korçë ka komentuar takimet e Enkelejd Alibeaj, i cili gjithashtu ka dalë me kandidatë në zgjedhjet lokale të 14 majit. Në fjalën e tij, Meta tha se ka një arsye pse retorika e tij është përqendruar në sulmet mes Sali Berishës dhe Ilir Metës dhe jo tek kryeministri Edi Rama.

“Nuk i vëmë faj askujt atyre që nuk kanë kandidatët përse merren me Metën dhe Berishën. Qytetarët shqiptarë më 14 maj do të votojnë. Këtu është një kullë që ka kushtuar gati 6 mln euro dhe që ka goditur rëndë identitetin e këtij qytetit dhe kjo është bërë vetëm për kapriço dhe korrupsion. Pra në 14 maj votohet për t’u ndarë nga korrupsioni monizmi i Edi Ramës në Korçë dhe të gjithë Shqipërinë. Është angazhim i Partisë Demokratike dhe i Partisë së Lirisë që të luftojë korrupsionin. Çdo gjë do të jetë transparente. Për çdo investim do të merret çdo vendim duke dëgjuar qytetarët. E vetmja bashki që plotëson kriteret e transparencës është bashkia e Shkodrës dhe kjo sepse drejtohet nga opozita. Bashkitë e tjera janë me zero transparencë,”- tha ai.

Ndërkohë që Abilekaj nga ana tjetër ka akuzuar si Metën dhe Berishën se bashkëpunojnë me kryeministrin Edi Rama. 

ilir meta zgjedhjet lokale 14 maj 2023

Sondazh

Poll

MË SHUMË