Politike

Zhdukja e dy 46-vjeçarëve/ Klodiana Lala zbulon detajet: “Koçolja” po shantazhonte grupin kriminal, nuk mori drogën...

Klodiana Lala zbuloi se policia po vijon hetimet për gjetjen e trupave të dy personave të zhdukur në fshatin Vrinë, ndërsa shtoi se autorët e dyshuar janë pjesëtarë të një grupi të organizuar kriminal.

25 Prill 2023, 22:17 Nga k.m.
Zhdukja e dy 46-vjeçarëve/ Klodiana Lala zbulon detajet:
Klodiana Lala

TIRANË- Gazetarja Klodiana Lala ka folur në lidhje me zhdukjen e dy 46-vjeçarëve, Leonard Thodhori e Fatmir Sulovari, në qytetin e Sarandës, të cilët dyshohet se janë rrëmbyer e më pas vrarë. E ftuar në emisionin “Open”, Klodiana Lala zbuloi se policia po vijon hetimet për gjetjen e trupave të dy personave të zhdukur në fshatin Vrinë, ndërsa shtoi se autorët e dyshuar janë pjesëtarë të një grupi të organizuar kriminal. Duke i qëndruar pistës së trafikut të drogës, ajo shtoi se “Koçolja” nuk ka marrë drogën e premtuar nga grupi ai i ka kërcënuar ata se do tregojë në polici, gjë që dyshohet se mund të ketë sjellë rrëmbimin e më pas eliminimin fizik.

“Policia vijon kërkimet për trupat e dy personave të zhdukur në fshatin Vrinë, ku besohet se ata mund të jenë groposur. Dy personat janë zhdukur në 6 prill dhe për 4 ditë familjarët nuk i kanë denoncuar pasi nuk ishte hera e parë që janë larguar. Policia ka sekuestruar deri tani 8 automjete, ku njëri është konfirmuar që është përdorur për rrëmbimin e tyre. Sulovari ka pasur armë me vete kur është takuar me mikun e tij për të sqaruar debatet me një grup kriminal për shitblerjen e një toke. Një kamerë ka kapur momentet e fundit para zhdukjes të Koçoles ku ai duket i qetë në një makinë. Besohet se janë dërguar në një fshat në kufirin Shqipëri-Greqi, dhe aty janë groposur.

Asnjë pistë nuk përjashtohet për 2 personat. Autorët e dyshuar mendohet se janë dy anëtarë grupi nga Saranda dhe të tjerët janë nga veriu i vendit. Konflikti ka nisur për pronën. Është zbuluar se kur Koçolja nuk ka marrë drogën e premtuar nga grupi ai i ka kërcënuar ata se do tregojë në polici, gjë që dyshohet se mund të ketë sjellë rrëmbimin. Ka të paktën 3 persona të skeduar në pamjet filmike. Fakti që ka disa të dyshuar, ka qeliza telefonike, mjeti ku janë rrëmbyer është vjedhur në Tiranë. Dyshohet se është një grup i organizuar kriminal,”-shtoi ajo. 

klodiana lala

Sondazh

Poll