Aktualitet

EMRAT/ Dogjën makinën e 28-vjeçares, arrestohen dy persona në Korçë

Po ashtu sipas hetimeve është zbuluar se 38-vjeçari në vitin 2022 e ka kanosur me anë të telefonit të renë. 

25 Prill 2023, 11:08 Nga DOSJA
EMRAT/ Dogjën makinën e 28-vjeçares, arrestohen dy persona
Policia

KORÇË- Dy persona kanë rënë në pranga ditën e sotme për djegien e një makine. Mësohet se në pranga kanë rënë 27-vjeçari Romeo Basholli dhe 38-vjeçari Gentjan Çipi. Këta dy persona në bashkëpunim i kanë vënë zjarrin makinës së një 28-vjeçareje. Po ashtu sipas hetimeve është zbuluar se 38-vjeçari në vitin 2022 e ka kanosur me anë të telefonit të renë. 

Njoftimi i Policisë:

Korçë U dyshua fillimisht si ngjarje aksidentale, zbardhet pas hetimeve të thelluara, djegia e qëllimshme e një automjeti, e ndodhur një ditë më parë. Identifikohen dhe vihen në pranga 2 shtetasit që i vunë zjarrin automjetit në përdorim nga një shtetase. Sekuestrohet një sasi e vogël municioni luftarak, të cilën e posedonte në banesë njëri prej të ndaluarve, veshje dhe një automjet të përdorura në ngjarje. Specialistët për Hetimin e Krimeve të Komisariatit të Policisë Korçë, pas një pune intensive hetimore për ngjarjen e ndodhur më datë 24.04.2023, në lagjen nr. 5, Korçë, ku u dogj një automjet, bënë të mundur identifikimin e 2 autorëve të dyshuar të saj. Si rezultat, u bë arrestimi në flagrancë i shtetasve: R. B., 27 vjeç, banues në fshatin Mborje, Korçë dhe G. Ç., 38 vjeç, banues në fshatin Dishnicë, Korçë.

Nga veprimet hetimore dhe nga provat e siguruara rezultoi se këta dy shtetas janë autorë të dyshuar të djegies së automjetit tip "Volksëagen", në përdorim nga një 28-vjeçare dhe në pronësi të vëllait të saj. Nga hetimet e kryera rezulton se shtetasi G. Ç., në muajin dhjetor 2022, e ka kanosur nëpërmjet telefonit këtë shtetase. Gjatë kontrollit të ushtruar në banesën e shtetasit R. B., u gjet dhe u sekuestrua në cilësinë e provës materiale një sasi e vogël municioni luftarak. Gjithashtu u sekuestruan veshje dhe një automjet që ka përdorur shtetasi R. B., në këtë ngjarje. Vijon puna për dokumentimin e plotë të kësaj ngjarjeje, identifikimin dhe vënien përpara përgjegjësisë penale të shtetasve të tjerë të përfshirë. Materialet i kaluan Prokurorisë pranë Gjykatës së Rrethit Gjyqësor Korçë, për veprime të mëtejshme.

romeo basholli gentjan Çipi

Sondazh

Poll