Politike

Nisma Thurje takim me banorët te Pazari i Ri: Prioritet duhet të kenë fermerët, të anulohen konçesionet në transportin urban

Ata u ndalën edhe tek administrimi i tregjeve ushqimore, ku theksuan se prioritet duhet t’u jepet produkteve të fermerëve të zonës, gjë që do të ndihmojë edhe në konsumimin e ushqimeve organike nga banorët të Tiranës.

25 Prill 2023, 10:58 Nga I.A
Nisma Thurje takim me banorët te Pazari i Ri: Prioritet duhet të
Nisma Thurje

TIRANË- Nisma Thurje organizoi një takim me banorët e Tiranës tek Pazari i Ri. Në këtë takim u prezantuan idetë e Nismës Thurje për në Këshillin Bashkiak të Tiranës. Ata u ndalën edhe tek administrimi i tregjeve ushqimore, ku theksuan se prioritet duhet t’u jepet produkteve të fermerëve të zonës, gjë që do të ndihmojë edhe në konsumimin e ushqimeve organike nga banorët të Tiranës.

Më tej, gjatë fjalës së tij, Endrit Shabani, kryetari i Nismës Thurje, u shpreh se Tirana ka nevojë të anullojë konçesionet në transportin urban, dhe të ndërtojë një transport publik dhe të unifikuar, sipas modelit gjerman, i cili nuk synon fitimin por shpejtësinë dhe efiçencën e lëvizjes. Ai gjithashtu theksoi se një transport publik do të mundësojë që pensionistët të udhëtojnë vetëm me librezë pensioni, pa qënë nevoja të presin në rradhë për abone. Ky, sipas Shabanit, është minimumi që ne mund t’i garantojmë brezit të tretë, të cilët i dhanë kaq shumë kësaj shoqërie.

Pano Soko, një prej drejtuesve të Nismës Turje, duke evidentuar se bashkisë së Tiranës i kanë mbetur 8 miliardë lekë pa shpenzuar, theksoi se kur Nisma Thurje të jetë në Këshillin Bashkiak do të propozojë një program që t’iu krijojë kushte fëmijëve në shkollat publike që merren me aktivitete rekreative deri në orën 5 mbasdite, kur kthehen prindërit nga puna. Gjë e cila do t’i vendosë shkollat publike në një standard si shkollat private.

nisma thurje endrit shabani pano soko

Sondazh

Poll

MË SHUMË