Aktualitet

Itali/ Emigranti i vjedh pistoletën një ushtari dhe plagos policin, ekzekutohet nga karabinierët

Paraprakisht raportohet se afrikano-veriori kishte nisur të bërtiste "Allah akbar" përgjatë rrugës, duke alarmuar kalimtarët të cilët kërkuan ndërhyrjen e Policisë.

24 Prill 2023, 23:13 Nga k.m.
Itali/ Emigranti i vjedh pistoletën një ushtari dhe plagos policin,
Pamje nga vendi i ngjarjes

ITALI- Një shtetas maroken mbeti i vrarë në përleshje me karabinierët italianë pasi kishte qëlluar një polic duke e plagosur me pistoletë të cilën me sa duket ia kishte vjedhur një ushtari. Sipas Ansa, ngjarja ka ndodhur në Fara Vicentino, në provincën e Vicenza-s.

Paraprakisht raportohet se afrikano-veriori kishte nisur të bërtiste "Allah akbar" përgjatë rrugës, duke alarmuar kalimtarët të cilët kërkuan ndërhyrjen e Policisë.

Agjentët e policisë lokale dhe karabinierët kanë mbërritur në vendngjarje, të cilët kanë tentuar të arsyetojnë me personin, por nuk ia kanë dalë. Në vendngjarje mbërritën disa efektivë të cilët tentuan ta qetësonin burrin, por pa efekt.

Në momentin që u përpoqën ta neutralizonin, ai arriti t’i merrte pistoletën një polici dhe qëlloi të tjerët. Në këtë pikë, në kushtet e vetëmbrojtjes karabinierët u kundërpërgjigjën. Tashmë një hetim ka nisur për të zbardhur përgjegjësitë për këtë ngjarje.

itali

Sondazh

Poll

MË SHUMË