Politike

'14 Maji'/PDIU dhe “Bashkë Fitojmë” SHORT për numëruesin e 4-t të grupeve të numërimit, PDIU: Do numëroni votat e kandidatit që ka marrë gjak shqiptarësh?

Koalicioni Meta-Berisha nuk do ketë anëtar në grupin e numërimit të votave.

24 Prill 2023, 16:37 Nga A.B
'14 Maji'/PDIU dhe “Bashkë Fitojmë” SHORT
KQZ

TIRANË- Komisioni Qendror i Zgjedhjeve (KQZ) ka vendosur që anëtari i tretë i grupeve të numërimit për zgjedhjet lokale të 14 majit i takon Partisë Socialiste. Po ashtu, u vendos që anëtari i katërt i grupit të numërimit të votave do duhet të vendoset me short mes Partisë Drejtësi Integrim dhe Unitet dhe Partisë së Lirisë.

Sipas këtij vendimi në grupet e numërimit të votave, do të kemi 2 anëtarë të PS-së, 1 anëtar të PD-së dhe për anëtarin e grupit të katërt nesër do hidhet shorti në orën 12:00 për ndarjen mes PL-së dhe PDIU.

Si pasojë, në gjysmën e vendit, koalicioni Meta-Berisha nuk do ketë anëtar në grupin e numërimit të votave.

Pjesë nga debati:

Përfaqësuesi i PDIU-së: Ne jemi në opozitë, kemi votuar pro qeverisë për marrëveshjet me amerikanët.

Altin Kaziaj nga Koalicioni BF: Vetëm ne jemi në garë në gjithë Shqipërinë, PDIU jo. Votat e kujt do të mbrojnë numëruesit e saj?

Përfaqësuesi i PDIU: Do mbrojmë votat e Lajla Përnaskës. Po ju në Himarë do numëroni votat e kandidatit që ka marrë gjak shqiptarësh?

Celibashi: Ky merak i juaji nuk është fort i justifikuar. Numëruesit kanë qenë përgjithësisht korrekt. Ne kemi rinumëruar dhe nuk ka pasur abuzime madhor./Dosja.al

zgjedhjet vendore 14 maj 2023

Sondazh

Poll

MË SHUMË