Politike

Meta: Regjimi monist do asgjësohet përfundimisht, në tre javë Shqipëria do të jetë ndryshe

Në një deklaratë për mediat, Meta ka thënë se për 3 javë Shqipëria do të jetë ndryshe dhe bashkitë do të jenë të hapura për qytetarët.

24 Prill 2023, 11:23 Nga I.A
Meta: Regjimi monist do asgjësohet përfundimisht, në tre
Ilir Meta

TIRANË- Kreu i Partisë së Lirisë Ilir Meta ka deklaruar se regjimi monist duhet që të largohet nga vendi. Në një deklaratë për mediat, Meta ka thënë se për 3 javë Shqipëria do të jetë ndryshe dhe bashkitë do të jenë të hapura për qytetarët. Sipas tiuj gjeografia e ndryshimit do të jetë ndryshe nga Kukësi e tropoja deri në Sarandë dhe Konispol. 

“Në tre javë Shqipëria do të jetë krejt ndryshe nga sot. Regjimi monist në nivelin vendor do të jetë asgjësuar përfundimisht përmes pjesëmarrjes masive të qytetarëve në zgjedhjet e 14 majit ku do të rivendoset pluralizmi politik dhe llogaridhënia ne nivel vendor njëherë e përgjithmonë. Dua të shpreh kënaqësinë time më të madhe për turin në jug të vendit, për mbështetjen e jashtëzakonshme që gjeta atje për kandidatët e koalicionit tonë sidomos në Sarandë për Ardit Cikulin, për zotin Fatmir Shero në Konispol dhe për inxhinier Ilir Mehmetin në Delvinë. Gjeografia e ndryshimit do të jetë gjithëpërfshirëse nga Kukësi, Tropoja në Sarandë deri në Konispol. Vura re me kënaqësi se primaret kanë funksionuar në mënyrën më të mirë të mundshme dhe apo jo rastësisht kanë përzgjedhur në mënyrë më demokratike të mundshme kandidatët. Qytetarët janë të tejlodhur nga abuzimi i tmerrshëm që ka ndodhur këto 4 vite”, tha Meta.

ilir meta

Sondazh

Poll

MË SHUMË