Politike

“Nënkalimi te Sheshi Skënderbej brenda 18 javëve të para”, Këlliçi: Nuk prekim parkimin, kushton vetëm 4.5 milionë euro

Sipas Këlliçit ky projekt do të marrë jetë në 18 javët e para që ai do të jetë në krye të Bashkisë së Tiranës, në rast fitoreje në zgjedhjet e 14 Majit.

24 Prill 2023, 08:44 Nga I.A
“Nënkalimi te Sheshi Skënderbej brenda 18 javëve të
Belind Këlliçi

TIRANË- Belind Këlliçi, kandidati i koalicionit Bashkë Fitojmë për Bashkinë e Tiranës, ka dhënë disa premtime të bujshme sa i takon asaj që do të bëjë në rast se zgjidhet në krye të qytetit në 14 Maj. Në një intervistë për Fax News, Këlliçi ka dhënë detaje në lidhje me planin për të ndërtuar një nënkalim në sheshin Skënderbej, që sipas tij do të shkarkonte rreth 60% të fluksit në zonën e Unazës së Vogël.

Sipas Këlliçit ky projekt do të marrë jetë në 18 javët e para që ai do të jetë në krye të Bashkisë së Tiranës, në rast fitoreje në zgjedhjet e 14 Majit.

“18 javët e para, 4.5 milionë euro të kushtojë ndërhyrja poshtë sheshit pa e dëmtuar atë. Do ta bëjmë me çmim kostoje, është një premtim konkret për masat që unë kërkoj të merren në Tiranë, për të shpëtuar nga trafiku i tmerrshëm. Për të shfryrë Tiranën nga trafiku është ndërtimi i këtij nënkalimi, me 4 korsi, 2 në ardhje dhe dy në vajtje. Ata që duan të shkojnë në drejtim të Pazarit të ri apo Rrugën e Dibrës, do të vazhdojnë të njëjtin intenerar që kanë ndjekur deri tani. Sheshi nuk do të dëmtohet. Çdo kryetar bashkie që ka ardhur ka prishur sheshin në varësi të preferencave personale, sheshi do të qëndrojë siç është edhe pse sipas meje nuk është funksional, dhe buxheti do të adresohet në çështje të tjera më emergjente”, u shpreh Këlliçi.

Kandidati për Tiranën tha se nga tuneli nuk do të preket as parkimi në sheshin Skënderbej, ndërsa hodhi akuza për betonizimin e qytetit.

Kjo kulla këtu ka 7 kate pa leje, për të cilën kryetari i bashkisë ka thënë se nuk e ka parë. Belind Këlliçi nuk do të japë leje për asnjë kullë në qendër të Tiranës, dhe nuk do të preket liqeni. Kjo gjë i ka prekur këta, e keni parë si ka reaguar kryeministri në mbrojtje të të voglit të tij në bashkinë e Tiranës. E keni parë që kanë turp nga ai, dhe nuk kanë vendosur asnjë poster për të nëpër Tiranë”, tha më tej Këlliçi.

 

belind këlliçi

Sondazh

Poll